قازاقستان ۇلتتىق بانكى وزدەرىن پوليتسيا نەمەسە ۇلتتىق بانك قىزمەتكەرى رەتىندە تانىستىراتىن تەلەفون-الاياقتارىنىڭ پايدا بولعانىن ەسكەرتتى, دەپ حابارلايدى Egemen.kz اتالعان ۆەدومستۆوعا سىلتەمە جاساپ.
الاياقتار «زاڭسىز ارەكەتى ءۇشىن بانك مەنەدجەرىن ۇستاۋعا ارنايى وپەراتسيا» جۇرگىزەمىز دەگەن جەلەۋمەن ازاماتتاردى نەسيە راسىمدەۋگە نەمەسە ميكروقارىز الۋعا ۇگىتتەپ, اقشانى ءۇشىنشى تۇلعانىڭ شوتىنا اۋدارۋعا كوندىرەدى.
كەي جاعدايلاردا جالعان «پوليتسيا» قىزمەتكەرى ۇلتتىق بانكپەن بىرلەسىپ «ارنايى وپەراتسيا» جۇرگىزەتىنىن جانە ونىسىن راستاۋ ءۇشىن «ۇلتتىق بانك قىزمەتكەرىنە» قوڭىراۋ شالعان بولىپ, قولدان جاسالعان كۋالىكتەردى, بانكتىڭ اۋدارىم قۇجاتتارىن جانە ورىندالعان وپەراتسيالاردىڭ زاڭدىلىعىن «راستايتىن» باسقا دا مالىمەتتەردى جىبەرەدى. مۇنداي ارەكەتتەردىڭ بارلىعى ۇيىمداسقان الاياقتاردىڭ جۇمىسىن كورسەتەدى.
الاياقتاردىڭ مۇنداعى تۇپكى ماقساتى – نەسيە راسىمدەۋگە قاتىستى موتيۆاتسيالىق ءتۇرلى ايلا تابۋ, اقشا جىمقىرۋ جانە دەربەس دەرەگىن قولعا ءتۇسىرۋ.