گەرمانيانىڭ ۆايبلينگەن قالاسىندا تەننيستەن 14 جاسقا دەيىنگى سپورتشىلار اراسىندا Tennis Europe سەرياسى بويىنشا ەكىنشى ساناتتاعى تۋرنير مارەسىنە جەتتى.
حالىقارالىق جارىستا باق سىناعان قازاقستاندىق دامير جالعاسباي ءتۋرنيردىڭ فينالىنا جەتىپ جىعىلدى. باس جۇلدە ءۇشىن وتكەن باسەكەدە جەرلەسىمىز وسى جارىستىڭ ءبىرىنشى راكەتكاسى رەسەيلىك ساۆا رىباكينمەن سىنعا ءتۇستى. تارتىستى وتكەن باسەكەدە رەسەيلىك تەننيسشى 7:6 (7:4), 4:6, 1:6 ەسەبىمەن باسىم ءتۇستى.
سونداي-اق كەشە گەرمانيانىڭ تاعى ءبىر قالاسى – ديۋرەندە 14 جاسقا دەيىنگىلەر اراسىندا Tennis Europe سەرياسى بويىنشا سۋپەر جارىس باستالدى. وندا قازاقستان نامىسىن الەمنىڭ 14 جاسقا دەيىنگىلەر اراسىندا ءتورتىنشى راكەتكاسى زاڭعار نۇرلان ۇلى, سونداي-اق ءساتيما تورەگەن جانە اريانا گوگۋلينا قورعايدى.