قوستاناي وبلىسىندا 200 ميلليون تەڭگەگە ساپاسىز جوندەلگەن بوگەت جىرىلىپ كەتتى. ەكونوميكالىق تەرگەۋ دەپارتامەنتى قارجى جىمقىرۋ دەرەگى بويىنشا قىلمىستىق ءىس قوزعادى, دەپ حابارلايدى Egemen.kz.
قوستاناي وبلىسى بويىنشا ەكونوميكالىق تەرگەۋ دەپارتامەنتى ء«شيلى بوگەتىن كۇردەلى جوندەۋ» جوباسى كەزىندە بيۋدجەت قارجىسىن جىمقىرۋ دەرەگى بويىنشا قر قك-ءنىڭ 189-بابى 4-بولىگى 2-تارماعى بويىنشا قىلمىستىق ءىس قوزعاعان.
«ساراپتاما قورىتىندىسى بويىنشا الدىن الا كەلتىرىلگەن زالال 33 712 618 تەڭگە بولدى. سوت قىلمىستى ۇيىمداستىرۋشىعا قاتىستى ۇيقاماققا الۋ تۇرىندەگى بۇلتارتپاۋ شاراسىن سانكتسيالادى. قازىر قاجەتتى تەرگەۋ ارەكەتتەرى جۇرگىزىلىپ جاتىر», دەپ حابارلادى دەپارتامەنتتىڭ ءباسپاسوز قىزمەتى.
بۇعان دەيىن 2 جىل بۇرىن سالىنعان بوگەتتى ءشيلى تۇرعىندارى قايتا جوندەۋدى سۇراعان بولاتىن. گيدروتەحنيكالىق قۇرىلىستى سالۋعا رەسپۋبليكالىق بيۋدجەتتەن 200 ميلليون تەڭگەگە جۋىق قارجى بولىنگەنىمەن, جاڭا بوگەت كوكتەمگى سۋ تاسقىنىن بوگەي المادى.