جۋرناليست سەيتقازى مەن اسەت ماتاەۆتار تولىق اقتالدى

قر جوعارعى سوتى نۇر-سۇلتان قالاسى سوتىنىڭ سەيىتقازى مەن اسەت ماتاەۆتارعا قاتىستى 2016 جىلعى 9 جەلتوقسانداعى ۇكىمىنىڭ كۇشىن جويدى.

سوت ۇكىمىندە ماتاەۆتاردىڭ تولىق اقتالعانى جازىلعان. ەندىگى جەردە سوت زالىنان بوساتىلعان جۋرناليستەر قىلمىستىق پروتسەستى جۇرگىزگەن ورگانداردىڭ زاڭسىز ارەكەتتەرىنەن كەلتىرىلگەن زياندى وتەپ الا الادى.

ەسكە سالايىق, سەيىتقازى ماتاەۆ پەن ونىڭ قازتاگ اقپارات اگەنتتىگىن باسقاراتىن ۇلى اسەت اسا ءىرى كولەمدە بيۋدجەت قاراجاتىن جىمقىردى جانە سالىق تولەۋدەن جالتاردى دەپ ايىپتالعان بولاتىن. وسىلايشا, سەيىتقازى ماتاەۆ قر قك 190-بابى 4-بولىگىنىڭ 2-تارماعى, 245-بابى 3-بولىگى, قر قك 177-بابى 4-بولىگىنىڭ «ب» تارماعى بويىنشا, ال اسەت ماتاەۆ قر قك 190-بابى 4-بولىگىنىڭ 2-تارماعى بويىنشا سوتتالدى.

2016 جىلدىڭ قازان ايىندا سەيتقازى ماتاەۆ جالپى رەجيمدەگى كولونيادا جازاسىن وتەۋمەن جانە مۇلكىن تاركىلەۋمەن قوسا التى جىلعا سوتتالسا, اسەت ماتاەۆ بەس جىلعا باس بوستاندىعىنان ايىرىلعان ەدى.