پوليتسيا ينتەرنەت ارقىلى بىرنەشە الاياقتىق جاساعان 15 ادامنان تۇراتىن قىلمىستىق توپتى ۇستادى. ولار – قازاقستان جانە رەسەي ازاماتتارى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
13-22 ماۋسىم ارالىعىندا ءوز پاتەرىن ساتقان الماتى تۇرعىنى الاياقتاردىڭ ارباۋىنا ءتۇسىپ قالعان. ول بىرنەشە ترانشپەن ساتىلىمنان تۇسكەن 23 ميلليون تەڭگەنى الاياقتاردىڭ شوتتارىنا اۋدارعان. الدانىپ قالعانىن تۇسىنگەن جابىرلەنۋشى 24 ماۋسىمدا قۇقىق قورعاۋ ورگاندارىنا جۇگىندى.
اتالعان فاكتىگە بايلانىستى الماتى قالاسى المالى اۋدانىنىڭ پب قازاقستان رەسپۋبليكاسى قك 190-بابىنىڭ 4-بولىگىندە (اسا ءىرى مولشەردەگى الاياقتىق) كوزدەلگەن قىلمىستىق قۇقىق بۇزۋشىلىق قۇرامىنىڭ بەلگىلەرى بويىنشا سوتقا دەيىنگى تەرگەۋ باستادى.
سول كۇنى تەرگەلىپ جاتقان ءىس اياسىندا ءىىم كريمينالدىق پوليتسيا دەپارتامەنتى مەن الماتى پد اسا تاجىريبەلى قىزمەتكەرلەرىنەن ارنايى جەدەل-تەرگەۋ توبى قۇرىلدى.
جەدەل-ىزدەستىرۋ جانە تەرگەۋ ءىس-شارالارى بارىسىندا الاياقتىق ارەكەتتەردە قازاقستاننىڭ ءارتۇرلى قالالارىندا تۇراتىن جالعان تۇلعالارعا رەسىمدەلگەن 10-عا جۋىق بانك كارتالارى پايدالانىلعانى انىقتالدى.
قازاقستان رەسپۋبليكاسى ءىىم كيبەرقىلمىسپەن كۇرەس بولىمشەسىنىڭ جەدەل ۋاكىلدەرى پاۆلودار وبلىسى جانە الماتىداعى ارىپتەستەرىمەن بىرگە قازاقستان مەن رەسەي ازاماتتارىنان تۇراتىن قىلمىستىق توپتى ۇستادى. ولار ينتەرنەت ارقىلى الاياقتىق جاسادى دەگەن كۇدىككە ىلىنگەن.
بەس قاتىسۋشىعا قاتىستى قاماۋعا الۋ بۇلتارتپاۋ شاراسى تاڭدالدى. قازىر توپ قاتىسۋشىلارىنىڭ ينتەرنەت-الاياقتىقتىڭ التى ەپيزودىنا ىقتيمال قاتىستىلىعى انىقتالدى, كەلتىرىلگەن شىعىن 106 ميلليون تەڭگەدەن استى.
ادەتتە مۇنداي قىلمىستاردى جاساۋدا ءۇشىنشى تۇلعالارعا رەسىمدەلگەن بانكتىك شوتتار مەن كارتالار قولدانىلادى, قاراجاتتى قولما-قول اقشاعا اينالدىرۋ ءۇشىن جالعان ادامدار قولدانىلادى. قوڭىراۋلار ءۇشىن الاياقتار ابونەنتتىك نومىرلەردى اۋىستىرۋ بويىنشا باعدارلامالاردى پايدالانادى.
بۇل ارەكەتتەردىڭ بارلىعى ىقتيمال قۇربانداردىڭ بانكتىك كارتالارى مەن دەپوزيتتەرىنە قول جەتكىزۋگە, ودان ءارى ولاردان اقشا اۋدارۋعا نەمەسە نەسيە الۋعا باعىتتالعان.