26 ماۋسىم – حالىقارالىق ناشاقورلىققا قارسى كۇرەس كۇنىنە وراي قىزىلوردا قالالىق مادەنيەت جانە دەمالىس ساياباعىندا اكتسيا ءوتتى, دەپ حابارلايدى Egemen.kz.
اكتسيا بارىسىندا ەسىرتكىگە قارسى ناسيحات جۇمىستارىندا ەرەكشە كوزگە تۇسكەن ازاماتتار ماراپاتتالدى. سونىمەن قاتار تاقىرىپقا قاتىستى تەاتر جانە بي قويىلىمدارى قويىلىپ, كينولوگيالىق ورتالىقتاعى قىزمەتتىك يتتەر جۇمىسى كورسەتىلدى. كونتسەرتتىك باعدارلاما اياسىندا ەسترادا جۇلدىزى ءمادي قادىروۆ ونەر كورسەتتى. اكتسيا بارىسىندا پوليگرافيالىق ەسىرتكىگە قارسى ونىمدەر مەن بالالارعا ويىنشىقتار تاراتىلدى.
اتاۋلى كۇنگە وراي وبلىستىق پد ەسىرتكى قىلمىسىنا قارسى ءىس – قيمىل باسقارماسىنىڭ قىزمەتكەرلەرى اقپاراتتىق-ناسيحاتتاۋ جۇمىستارىن دا ۇيىمداستىردى. وبلىس اۋماعىندا حالىق كوپ جينالاتىن جەرلەردە ناشاقورلىق زاردابى, قىلمىستىق جاۋاپكەرشىلىك تۋرالى ارنايى دايىندالعان پلاكاتتار مەن ۇگىت پاراقتارى, سونداي-اق «سەنىم تەلەفونى» تۋرالى اقپارات ءىلىندى. بالالار مەن جاسوسپىرىمدەر اراسىندا الدىن الۋ ءىس-شارالارى جۇرگىزىلدى, كەزدەسۋلەر, سپورتتىق ءىس-شارالار مەن اكتسيالار ۇيىمداستىرىلدى.