IQanat رەسپۋبليكالىق وقۋشىلار سلەتى اياسىندا وقۋ-اعارتۋ ءمينيسترى اسحات ايماعامبەتوۆ اۋىل مەكتەپتەرىنىڭ وقۋشىلارىمەن كەزدەستى, دەپ حابارلايدى Egemen.kz.
كەزدەسۋ نازارباەۆ ۋنيۆەرسيتەتىندە ءوتىپ, وندا 750 اۋىل بالاسى جينالدى. اڭگىمە بارىسىندا مارتەبەلى قوناق بالالاردى IQanat رەسپۋبليكالىق سلەتىنە قاتىسۋمەن قۇتتىقتاپ, ولارمەن مەكتەپتە وقۋدىڭ ماڭىزدىلىعى جانە ءوز ءىس-ارەكەتتەرى مەن ناتيجەلەرى ءۇشىن جاۋاپكەرشىلىك الا بىلۋلەرى تۋرالى سۇحبات قۇردى.
«جاۋاپكەرشىلىكتەن قورىقپاۋ كەرەك. ءوز باسىم ادامداردا جاۋاپكەرشىلىك سياقتى ساپالى قاسيەتتەردى وتە جوعارى باعالايمىن جانە قۇرمەتتەيمىن. جاۋاپكەرشىلىك ءارتۇرلى بولۋى مۇمكىن, مىندەتتى تۇردە اۋقىمدى دۇنيەگە قاتىستى ەمەس. ماسەلەن بۇل جاھاندىق ماسەلەلەردى شەشۋ ءۇشىن كەيىپكەرلەر مارسقا ميسسيامەن بارعان كەزدە ءبارىمىز كينودا كورەتىن وراسان زور جاۋاپكەرشىلىك قانا ەمەس. ءوز ءىس-ارەكەتىڭ مەن قيمىلدارىڭ ءۇشىن جاۋاپكەرشىلىكتى سەزىنۋ – ناعىز كەرەگى وسى. ادەپتىلىك, قاراپايىمدىلىق, ەڭبەكقورلىق, ءبىر نارسەنى جاقسى جاققا وزگەرتۋگە دەگەن ۇمتىلىس, ءتارتىپ, دۇرىس شەشىم قابىلداي ءبىلۋ - جاۋاپكەرشىلىكتىڭ بارلىق قىرىنا وسىلاردى جاتقىزۋعا بولادى», دەدى اسحات ايماعامبەتوۆ.
سونىمەن قاتار مينيستر بارلىق اقپارات قولجەتىمدى داۋىردە قازىرگى مەكتەپ وقۋشىلارىنىڭ مۇمكىندىكتەرى وتە كوپ بولعانىمەن, بىراق سونىمەن بىرگە ولارعا قويىلاتىن تالاپ تا ايرىقشا ەكەنىن اتاپ ءوتتى.
«بۇگىندە ءبىزدىڭ جاس ۇرپاقتىڭ ەلىمىزدىڭ جانە الەمنىڭ ۇزدىك مەكتەپتەرىنە, وزىق جوعارى وقۋ ورىندارىنا ءتۇسۋ ءۇشىن كوپتەگەن مۇمكىندىكتەرى بار. مىسالى, «بولاشاق» باعدارلاماسىنىڭ ارقاسىندا قازاقستاندىقتار شەتەلدە ءبىلىم الا الادى. سونىمەن قاتار مەنىڭ ويىمشا, قازىرگى بالالاردىڭ ماقساتى اسقاق, كوزدەگەنى بيىك», دەپ پىكىرىمەن ءبولىستى وقۋ-اعارتۋ مينيسترلىگىنىڭ باسشىسى.
كەزدەسۋ بارىسىندا رەسپۋبليكالىق سلەتكە قاتىسۋشىلار مينيسترگە ءوز سۇراقتارىن قويدى. ماسەلەن, باتىس قازاقستان وبلىسى قاراتوبە اۋىلىنىڭ وقۋشىسى ماعجان جىلعالي مينيستر الدىندا قانداي ماقساتتار تۇرعانىن جانە ولارعا قول جەتكىزۋ جولىندا قانداي قيىندىقتار بار ەكەنىن سۇرادى.
«بالكىم مەنىڭ ادامدار, ماقساتتار تۋرالى تۇسىنىگىمدە قانداي دا ءبىر جاھاندىق مۇرات جوق شىعار. ەڭ باستىسى - ادام بولىپ قالۋ, ءوز الدىنا, قوعام الدىندا, وتان الدىندا ادال بولۋ. ال ماقساتتارعا قول جەتكىزۋ جولىنداعى قيىندىقتار كۇن سايىن كەزدەسەدى جانە ولاردى ادام وزىمەن جانە ءوزىنىڭ كەيبىر ادەتتەرىمەن جۇمىس ىستەي وتىرىپ, جەڭە ءبىلۋ كەرەك», دەپ جاۋاپ بەردى مينيستر.
ەستەرىڭىزگە سالا كەتەيىك, بەلگىلى قازاقستاندىقتارمەن ىنتالاندىرۋ كەزدەسۋلەرى - IQanat رەسپۋبليكالىق وقۋشىلار سلەتى باعدارلاماسىنىڭ ءبىر بولىگى. سلەت اياسىندا بالالار وليمپياداعا, ترەنينگتەرگە, ساياحاتتارعا قاتىستى, ال ءىس-شارالار سوڭىندا بالالار جىلىنا ارنالعان فلەش-موب ۇيىمداستىرادى. تاياۋدا سلەتكە قاتىسۋشىلار «IQANAT ءبىلىم بەرۋ قورى» قق قامقورشىلىق كەڭەسىنىڭ توراعاسى ايدىن راحىمباەۆپەن كەزدەسىپ, جاۋاپكەرشىلىك پەن قوعامعا قىزمەت ەتۋ تۋرالى اڭگىمەلەستى.