شىعىس قازاقستان وبلىسىندا باقتى بەكەتىندەگى كەدەندىك باقىلاۋ قىزمەتكەرلەرى ءبىر رەتتىك تەمەكىگە ارنالعان 10000 كاپسۋلانى تاركىلەدى, دەپ حابارلايدى Egemen.kz مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.
الماتى وبلىسىنىڭ كاسىپكەرى ونى ساتۋ ماقساتىندا تاۋاردى تاڭبالاۋسىز تاسىمالداعان. سالماعى 70 كەلى بولاتىن ءونىمنىڭ جالپى سوماسى 60 مىڭ تەڭگەنى قۇرايدى. ەلەكتروندىق تەمەكىگە ارنالعان كاپسۋلالاردىڭ يەسى جاۋاپكەرشىلىكتەن جالتارعان. سول سەبەپتى تاركىلەنگەن تاۋارلار قوقىس پوليگونى جويىلىپتى.
«بۇل تاۋارلاردىڭ ادام دەنساۋلىعىنا زيانى كوپ. ماۋسىم ايىندا بۇل ونىمدەردىڭ نارىققا تۇسپەۋى ءۇشىن ءۇرجار اۋدانى اكىمدىگىنىڭ كەلىسىمىمەن قوقىس الاڭىندا ورتەۋ تاسىلىمەن كوزىن جويدىق», دەدى وبلىستىق مەملەكەتتىك كىرىستەر دەپارتامەنتى باسشىسىنىڭ ورىنباسارى ەرجان كتانوۆ.