قازاقستاننىڭ سىرتقى ىستەر مينيسترلىگى اۋعانستانداعى جەر سىلكىنىسىنەن قازا تاپقاندار مەن زارداپ شەككەندەردىڭ وتباسىنا كوڭىل ايتتى, دەپ حابارلايدى Egemen.kz.
«اۋعانستاننىڭ شىعىسىنداعى جويقىن جەر سىلكىنىسىنەن كوپتەگەن ادام قازا بولۋىنا بايلانىستى اۋعان حالقىنىڭ قايعىسىنا ورتاقپىز. قازاقستان حالقى مەن باسشىلىعى اتىنان وسى اپاتتان قازا تاپقاندار مەن زارداپ شەككەندەردىڭ وتباسىنا شىن جۇرەكتەن كوڭىل ايتامىز. تەزىرەك ساۋىعىپ, قالىپتى ومىرگە ورالۋدى تىلەيمىز», دەلىنگەن ۆەدومستۆو حابارلاماسىندا.
ەسكە سالايىق, سارسەنبىدە اۋعانستاندا ماگنيتۋداسى 5,9-6,1 بالل جەر سىلكىنىسى بولدى. وقيعا پاكىستانمەن شەكارالاس وڭتۇستىك-شىعىس حوست قالاسىنان 44 شاقىرىم جەردە بولعان.