اسا اۋىر سالماقتاعى WBA Super, IBF جانە WBO تۇجىرىمدارى بويىنشا الەم چەمپيونى ۋكراينالىق الەكساندر ۋسيك (19-0, 13 KO) پەن بريتانيالىق ەنتوني دجوشۋا (24-2, 22 KO) اراسىنداعى قارىمتا جەكپە-جەك تامىزدا وتەتىن بولدى.
ەكى بوكسشىنىڭ دا ءىسىن جۇرگىزەتىن Matchroom Boxing پروموۋتەرلىك كومپانياسى كەشە كاسىپقوي بوكستاعى ەكى الىپتىڭ اراسىنداعى رەۆانش ايقاسى تامىزدىڭ 20-سى كۇنى ساۋد ارابياسىنىڭ دجيددا قالاسىندا وتەتىنىن رەسمي مالىمدەدى. ازىرگە جەكپە-جەكتە كىمنىڭ قانشا گونورار الاتىنى جاريالانعان جوق.
ايتا كەتەيىك, دجوشۋا مەن ۋسيك اراسىنداعى ءبىرىنشى ايقاس 2021 جىلدىڭ قىركۇيەك ايىندا لوندونداعى (انگليا) 80 مىڭ جانكۇيەر سىياتىن «ۋەمبلي» ستاديونىندا وتكەن ەدى. ول كەزدە ۋسيك تورەشىلەردىڭ ءبىراۋىز شەشىمىمەن جەڭىسكە جەتكەن بولاتىن.