قازاقستاندىق اۋىر اتلەت ەدىگە ەمبەردى جاسوسپىرىمدەر اراسىنداعى الەم چەمپيوناتىندا التىن مەدال يەلەندى, دەپ حابارلايدى Egemen.kz Vesti.kz سايتىنا سىلتەمە جاساپ.
مەكسيكادا ءوتىپ جاتقان الەم چەمپيوناتىندا قازاقستاندىق ەدىگە ەمبەردى 73 كەلىدە سىنعا ءتۇسىپ, قوسسايىس قورىتىندىسى بويىنشا العا شىقتى.
ەكىنشى ورىن وزبەكستاندىق ديوربەك ەرماتوۆقا بۇيىرسا, ۇزدىك ۇشتىكتى كانادادان كەلگەن برايان يبانەس گەررەرو تۇيىندەدى.
ەسكە سالايىق, وسىعان دەيىن ەراسىل ساۋلەبەكوۆ (67 كەلى) الەم چەمپيونى اتانسا, ەراسىل وماروۆ (55 كەلى) پەن الەكساندرا بەلەنكو (40 كەلى) ءتۋرنيردىڭ قولا جۇلدەسىمەن ماراپاتتالدى. جاسوسپىرىمدەر اراسىنداعى الەم بىرىنشىلىگى ماۋسىم ايىنىڭ 18-نە دەيىن جالعاسادى.