اقتاۋ قالالىق سوتى قىزىن ۇرىپ-سوعىپ, ابايسىزدا ءولتىرىپ العان ايەلگە قاتىستى ۇكىم شىعاردى, دەپ حابارلايدى Egemen.kz.
اقتاۋ قالالىق سوتى 2022 جىلعى 10 ماۋسىمداعى ۇكىمىمەن ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىردى دەپ ايىپتالعان سوتتالۋشى اناعا قاتىستى قىلمىستىق ءىستى قارادى (قك 106-بابى 3-ءبولىمى).
2022 جىلدىڭ 4 قاڭتارىندا كىشكەنتاي قىزىن ۇرىپ, ونى بار كۇشىمەن يتەرىپ جىبەرگەن كەزدە بالادا گەماتوما پايدا بولدى. 8 قاڭتار كۇنى شامامەن تۇنگى ساعات 2-دە اشۋعا ابدەن بۋلىققان ايەل ءبۇلدىرشىن قىزىنىڭ ءىش قۋىسىنان جۇدىرىعىمەن قايتا سوققى جاسادى. ودان كەيىن بالانى جالعىز قالدىرىپ, كەتىپ قالعان. كىشكەنتاي بالانىڭ مايىتىنە جۇرگىزىلگەن سوت-مەديتسينالىق ساراپتاماسىنىڭ قورىتىندىسىنا سايكەس, ءولىم ءىش قۋىسىنىڭ جاراقاتى سالدارىنان بولعان.
سوت ۇكىمى بويىنشا ول قك 106-بابىنىڭ 3-بولىمىندە كوزدەلگەن قىلمىستىق قۇقىقبۇزۋشىلىق جاساعانى ءۇشىن كىنالى دەپ تانىلىپ, 8 جىل جىلعا سوتتالدى.
ايانا توعانبەك