سەمەيدە كوپقاباتتى ۇيدەن ءورت شىعىپ, 50 ادام ەۆاكۋاتسيالاندى, دەپ حابارلايدى Egemen.kz.
شقو تجد ءباسپاسوز قىزمەتىنىڭ حابارلاۋىنشا, سەمەي قالاسىنىڭ فيزكۋلتۋرا كوشەسىندەگى توعىز قاباتتى تۇرعىن ۇيدە ءورت شىقتى. التىنشى قاباتتاعى پاتەردە جيھاز بەن جەكە زاتتار ورتەندى.
«وقيعا ورنىنا جەدەل كەلىپ, 6-قاباتقا دەيىن اۆتوساتىنى اشىپ, ءورت سوندىرۋشىلەر 2006 جانە 2008 جىلى تۋىلعان ەكى بالانى قۇتقاردى. ۋلانۋ بەلگىلەرى بولعاندىقتان, ولار مەديتسينالىق مەكەمەگە جەتكىزىلدى. تاعى 34 تۇرعىن, ونىڭ ىشىندە 14-ءى بالالار, باسپالداق مارشى ارقىلى قۇتقارىلدى. 1980 جىلى تۋعان, بالالارىنا كومەكتەسۋگە تىرىسقان پاتەر يەسى كۇيىك شالىپ, اۋرۋحاناعا جاتقىزىلدى. سونداي-اق ءورت ءسوندىرۋ قىزمەتىنىڭ قىزمەتكەرلەرى قاۋىپتى ايماقتان 50 ادامدى, ونىڭ ىشىندە 16 بالانى ەۆاكۋاتسيالادى. ءورتتى سوندىرۋگە جەكە قۇرامنان 40 ادام جانە 10 بىرلىك تەحنيكا جۇمىلدىرىلدى», دەلىنگەن ءباسپاسوز حابارلاماسىندا.