وقۋ-اعارتۋ ءمينيسترى اسحات ايماعامبەتوۆ ءبىلىم جانە عىلىم مينيسترلىگى بولىنگەننەن كەيىنگى جۇمىستار تۋرالى ايتىپ بەردى, دەپ حابارلايدى Egemen.kz.
«جۇمىس ازايعان جوق, 1 ملن-عا جۋىق بالا 10 مىڭعا جۋىق بالاباقشادا ءتالىم-تاربيە الىپ, وقىپ جاتىر. سونداي-اق 800-گە جۋىق كوللەدج جانە قوسىمشا ءبىلىم بەرەتىن ۇيىمدار بار. وعان قوسا بالالاردىڭ قۇقىعىن قورعاۋ ماسەلەسىن ۇمىتپايىق. 1 جاستان 18 جاسقا دەيىنگى بالالاردىڭ جاۋاپكەرشىلىگى ءبىزدىڭ موينىمىزدا. سوندىقتان جاۋاپكەرشىلىك تە, جۇمىس تا ازايعان جوق», دەدى ۇكىمەت وتىرىسىنان شىققان اسحات ايماعامبەتوۆ تىلشىلەرگە بەرگەن سۇحباتىندا.
سونداي-اق ول ەلەۋلى وقيعادان كەيىنگى جالاقى مولشەرى تۋرالى ساۋالعا دا جاۋاپ بەردى.
«جالاقىعا قاتىستى ۇكىمەتتىڭ بەكىتكەن مولشەرى بار. بۇل بارلىق مينيسترلىك پەن بيۋدجەتتەن قارجىلاندىرىلاتىن ۇيىمدارعا قاتىستى, بارىنە بىردەي. جالاقىم ۇكىمەت بەكىتكەن مولشەردە. ونى قايتا-قايتا ايتۋدىڭ قاجەتى شامالى. جالاقىمدى 3-4 رەت ايتقانمىن. ەشقانداي وزگەرىس جوق. بۇل - مەملەكەتتىڭ بەكىتكەن مولشەرى», دەدى وقۋ-اعارتۋ ءمينيسترى.