وزبەكستاننىڭ تاشكەنت قالاسىندا ۇيىمداستىرىلعان تەننيستەن 12 جاسقا دەيىنگىلەر اراسىنداعى ورتالىق ازيا ايماعىنىڭ كوماندالىق بىرىنشىلىگى مارەسىنە جەتتى.
تۋرنيردە وزبەكستان, قازاقستان, قىرعىزستان, تۇرىكمەنستان, تاجىكستان جانە اۋعانستان قۇرامالارى ەكى توپقا ءبولىنىپ, سىنعا ءتۇستى. قازاقستان تەننيس فەدەراتسياسىنىڭ مالىمەتى بويىنشا, قازاقستاندىق ۇلدار ءوز توبىندا قىرعىزستان جانە وزبەكستان قۇرامالارىن تىزە بۇكتىرىپ, ءبىرىنشى ورىنعا يە بولدى. قىرعىزستانمەن بولعان ماتچتا قازاقستاندىقتار جۇپتىق سىندا تارازى باسىن وزدەرىنە اۋداردى – 2:1. وزبەكستانمەن وتكەن ويىندا دا العاشقى ەكى باسەكەدەن كەيىن ەسەپ 1:1 بولىپ تۇرعاندا جۇپتىق سىندا گيورگي برەگۆادزە مەن روبەرت كامينسكي سۋپەر تايبرەيكتە جەڭىستى قارسىلاستارىنان ج ۇلىپ الدى – 6:7 (5:7), 6:2, 10:2.
قىزدار اراسىنداعى باسەكەدە جەرلەستەرىمىز العاش قىرعىزستان قۇراماسىن 3:0 ەسەبىمەن ويسىراتا ۇتسا, ەكىنشى ويىندا كورت يەلەرىن دە ءدال سونداي ناتيجەمەن جەڭدى – 3:0. وسىلايشا, ىرىكتەۋ جارىسىنىڭ قورىتىندىسى بويىنشا قازاقستان جانە وزبەكستان قۇرامالارى بيىل جىل سوڭىندا ەلوردادا وتەتىن ازيا چەمپيوناتىنىڭ فينالدىق كەزەڭىنە جولداما الدى.