ورتا سالماقتا ونەر كورسەتەتىن قازاقستاندىق بوكسشى مەيىرىم نۇرسۇلتانوۆ (17-0, 8 كو) كاسىپقوي بوكستاعى كەزەكتى كەزدەسۋىن ارگەنتينالىق بوكسشىمەن وتكىزىپ, جىل باسىندا جەڭىپ العان WBO International بەلدىگىن ءبىرىنشى رەت قورعادى. سونىمەن قاتار اقتاۋدا ۇيىمداستىرىلعان اتالعان بوكس كەشىندە 2019 جىلعى اۋەسقوي بوكستان الەم چەمپيونى, بۇگىندە كاسىپقوي بوكس شارشى الاڭىندا ونەر كورسەتىپ جۇرگەن جارتىلاي اۋىر سالماقتاعى بەكزات نۇرداۋلەتوۆ (5-0, 1 كو) كەزەكتى رەيتينگتىك جەكپە-جەگىندە قارسىلاسىنان باسىم ءتۇستى.
جەرگىلىكتى Adal Promotions كومپانياسىنىڭ ۇيىمداستىرۋىمەن وتكەن اقتاۋداعى ءدۇبىرلى دودانىڭ باستى ايقاسىندا مەيىرىم نۇرسۇلتانوۆ پەن ارگەنتينالىق سەباستيان وراسيو پاپەسكي شارشى الاڭعا شىقتى. 30 جاستاعى پاپەسكي 2014 جىلدان بەرى كاسىپقوي بوكستا باق سىناپ كەلەدى. ول بۇگىنگە دەيىن 21 جەكپە-جەك وتكىزىپ, ونىڭ 18-ىندە قارسىلاسىن قاپى قالدىرعان. تەك ءۇش كەزدەسۋىندە عانا جەڭىلىستىڭ كەرمەك ءدامىن تاتقان. ارگەنتينالىق بوكسشى كارەراسىنداعى 21 ايقاستىڭ 20-سىن ءوز ەلىندە وتكىزگەن بولسا, بىلتىر العاش رەت شەتەلدە جۇدىرىقتاستى. پانامادا وتكەن بوكس كەشىندە ول مەكسيكالىق قارسىلاسىن ۇپاي سانىمەن جەڭىپ كەتتى. شەتەلدەگى ەكىنشى كەزدەسۋىن قازاقستاندا وتكىزگەن سەباستيان وراسيو بۇل جولى ساتسىزدىككە ۇشىراپ, تاجىريبەلى وتانداسىمىزدان وڭباي جەڭىلدى.
ورتا سالماقتاعى WBO International بەلدىگى ساراپقا سالىنعان اقتاۋداعى ايقاس اۋەلدە 10 راۋندقا جوسپارلانىپ, كەزدەسۋ نەبارى بەسىنشى راۋندتا مارەسىنە جەتتى. ءبىرىنشى راۋندتان باستاپ جەكپە-جەك تىزگىنىن ءوز قولىنا العان نۇرسۇلتانوۆ قارسىلاسىن بەسىنشى ءۇش مينۋتتىقتا كەسكەن تەرەكتەي سۇلاتىپ سالدى. ارگەنتينالىق ءبىر بۇرىشتان كەلەسى بۇرىشقا شەگىنىپ بارا جاتىپ وتانداسىمىزدىڭ حۋك سوققىسىن وتكىزىپ الدى. مەيىرىمنىڭ وڭ قولىمەن جاساعان جويقىن سوققىسىنان كەيىن سەباستيان وراسيو ۇزاق ۋاقىت ەسىن جيا الماي, تورەشى جەكپە-جەكتى مەرزىمىنەن بۇرىن توقتاتتى.
وسىلايشا, مەيىرىم نۇرسۇلتانوۆ اقپان ايىندا جەڭىپ العان ورتا سالماقتاعى WBO International بەلبەۋىن العاش رەت ءساتتى قورعادى. بۇل – وتانداسىمىزدىڭ كəسىپقوي بوكستاعى 17-ءشى جەڭىسى. 2016 جىلدان بەرى كəسىپقوي رينگتە جۇدىرىقتاسىپ كەلە جاتقان مەيىرىم وسى ۋاقىت ارالىعىندا 16 مəرتە شارشى الاڭعا كوتەرىلىپ, بارلىعىندا جەڭىسكە جەتتى. توعىز بəسەكەسىن مەرزىمىنەن بۇرىن اياقتاعان ەدى.
Əۋەسقويلار اراسىنداعى əلەم چەمپيونى بەكزات نۇردəۋلەتوۆ كəسىپقوي رينگتەگى بەسىنشى كەزدەسۋىن قازاقستاندىق بوكسشى ميحايل كوحانچيكپەن (4-1, 4 كو) وتكىزدى. اۋەسقوي بوكستا دا ءبىر-بىرىمەن جۇدىرىقتاسقان ەسكى تانىستار بۇل جولى كاسىپقوي شارشى الاڭدا قولعاپ ءتۇيىستىردى. ەكى بوكسشى 2017 جىلعى بوكستان قازاقستان چەمپيوناتىنىڭ جارتىلاي فينالىندا جولىعىپ, كەزدەسۋ بەكزاتتىڭ جەڭىسىمەن اياقتالعان ەدى. بۇل جولعى ايقاستا دا نۇرداۋلەتوۆتىڭ مەرەيى ۇستەم بولدى. سەگىز راۋندقا جوسپارلانعان جەكپە-جەكتە بەكزات تورەشىلەردىڭ ءبىراۋىز شەشىمىمەن جەڭىسكە جەتتى.