اقتوبە قالالىق ءماسليحاتىنىڭ دەپۋتاتى ەربول قاسىمعالي ماس كۇيدە كولىك جۇرگىزىپ ۇستالعاننان كەيىن دەپۋتاتتىق مانداتىن تاپسىردى, دەپ جازادى Egemen.kz «دياپازون» گازەتىنە سىلتەمە جاساپ.
دەپۋتات مىنگەن Mercedes اۆتوكولىگى 20 مامىردا قارعالى تۇرعىن الابىندا توقتاتىلدى. مەديتسينالىق ساراپتاما ونىڭ ماساڭ كۇيدە بولعانىن كورسەتتى.
دەپۋتاتتىڭ ءوزى ساراپتاما قورىتىندىسىمەن كەلىسپەيتىنىن ايتىپ, كىناسىن مويىندامادى. سونىمەن قاتار قايتادان تەست تاپسىرۋ مۇمكىندىگىن ەشكىم تۇسىندىرمەگەنىن مالىمدەدى. سوت ونىڭ اكىمشىلىك قۇقىق بۇزۋشىلىق جاساعانى, اتاپ ايتقاندا, كولىكتى ماس كۇيدە جۇرگىزگەنى دالەلدەندى دەپ شەشتى. ناتيجەسىندە سوت ەربول قاسىمعاليدى 15 تاۋلىككە اكىمشىلىك قاماۋعا الىپ, جەتى جىلعا جۇرگىزۋشى كۋالىگىنەن ايىرۋ تۋرالى ۇكىم شىعاردى.سايلاۋ كوميسسياسى ەربول قاسىمعاليدىڭ وسى وقيعادان كەيىن دەپۋتاتتىق مانداتىن تاپسىرعانىن مالىمدەدى.