پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسى تارالۋىنىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسى ءوتتى, دەپ حابارلايدى Egemen.kz.
كوميسسيا جۇمىسىنا مەملەكەتتىك ورگانداردىڭ, «اتامەكەن» ۇكپ وكىلدەرى جانە وڭىرلەردىڭ باسشىلارى قاتىستى.
ەلدەگى جانە الەمدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ, ۆەدومستۆوارالىق كوميسسيا كەلەسىدەي شەشىمدەر قابىلدادى:
ءبىرىنشى, اعىمداعى جىلدىڭ 8 ماۋسىمىنان باستاپ قر ازاماتتارى مەن شەتەلدىكتەرگە قر قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە رەۆاكتسيناتسيانى نەمەسە COVID-19-عا قارسى ۆاكتسيناتسيالاۋدىڭ تولىق كۋرسىن (COVID-19-عا قارسى ۆاكتسيناتسيالاۋ تۋرالى پاسپورتتى/سەرتيفيكاتتى/انىقتامانى) قۇجاتتىق راستاۋ بويىنشا, ال ولار بولماعان كەزدە پتر ادىسىمەن COVID-19 زەرتتەۋىنىڭ تەرىس ناتيجەسى بار انىقتامانى ۇسىنۋ مىندەتتى تالابىن الىپ تاستاۋدى; ەكىنىشى, رەسپۋبليكانىڭ 7 وڭىردەگى قازاقستان رەسپۋبليكاسى مەملەكەتتىك شەكاراسىنىڭ جەكەلەگەن ۋچاسكەلەرىندە ۋاقىتشا جابىلعان 12 اۆتوموبيل وتكىزۋ پۋنكتتەردىن جۇمىس ىستەۋگە تىيىم سالۋدى الىپ تاستاۋ تۋرالى شەشىم قابىلدادى.ارۋجان امانگەلدى