ماڭعىستاۋ وبلىسى قاراقيا اۋدانىنداعى قۇرىق اۋىلىندا ورنالاسقان №147 رەفەرەندۋم ۋچاسكەسىنە كەلىن كەلدى, دەپ حابارلايدى Egemen.kz قوعامدىق كوممۋنيكاتسيا ورتالىعىنا سىلتەمە جاساپ.
ازامات ناۋرىز بەن باعدات داناگۇل بۇگىن ۇيلەنىپ جاتىر. دالىرەك ايتقاندا, ءدال قازىر بەتاشارى بولادى ەكەن. كۇيەۋ جىگىت بەتاشاردان بۇرىن كەلىندى سايلاۋ ۋچاسكەسىنە الىپ كەلىپتى.
ء«بىز جۇبايلىق ءومىرىمىزدىڭ العاشقى قادامىن ەلىمىزدىڭ ەرتەڭىنە وزگەرىس ەنگىزۋگە ءوز ۇلەسىمىزدى قوسۋدان باستاعىمىز كەلدى. ءوز بولاشاعىمىز ءۇشىن داۋىس بەردىك, ەرتەڭىمىزگە سەنەمىز!» دەيدى جاس جۇبايلار.