ۆەتنامدا 150 مەتر بيىكتىكتە سالىنعان, ۇزىندىعى 632 مەتردى قۇرايتىن شىنى كوپىر اشىلدى, دەپ حابارلايدى Egemen.kz.
جاڭا كوپىر مەملەكەت استاناسى حانويدىڭ سولتۇستىك-باتىسىندا ورنالاسقان سون لا پروۆينتسياسىندا پايدا بولدى. «اق ايداھار» دەپ اتالاتىن كوپىردىڭ ۇزىندىعى 632 مەتر. ونىڭ ۇستىنە قالىڭدىعى 40 ميلليمەترلىك شىنى ءۇش قاباتتالىپ توسەلگەن.
جوبا اۆتورلارىنىڭ ايتۋىنشا, بۇل جولمەن ءبىر ۋاقىتتا 450 ادام وتە الادى.
ۆەتنامداعى جاڭا نىسان الەم رەكوردىن جاڭارتىپ, گيننەس رەكوردتار كىتابىنا ەندى.
ايتا كەتسەك, بۇعان دەيىنگى رەكورد قىتايداعى كوپىرگە تيەسىلى ەدى. ونىڭ ۇزىندىعى 523 مەتر.
سالتانات كەنجەباي