اتىراۋ تۇرعىنىنان قارۋ-جاراق پەن تىيىم سالىنعان ءدىني كىتاپتار تاركىلەندى

«اتىراۋ وبلىسى پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى 1993 جىلى تۋعان دەسترۋكتيۆتى ءدىني اعىمداردىڭ وكىلىن انىقتادى. ونىڭ تۇرعىلىقتى جەرى بويىنشا ءتىنتۋ جۇرگىزۋ كەزىندە «مر-79» ماركالى 9 مم كاليبرلى تراۆماتيكالىق تاپانشا, ونىڭ پاتروندارى (14 دانا), تىيىم سالىنعان مالىمەتتەرى بار فلەش-كارتالار (5 دانا) تابىلىپ, تاركىلەندى», دەلىنگەن اتىراۋ وبلىسى پد ءباسپاسوز قىزمەتى تاراتقان حابارلامادا.

كۇدىكتى قر قىجك 128-بابى نەگىزىندە ۋاقىتشا ۇستاۋ يزولياتورىنا قامالدى.

اتالعان فاكتى بويىنشا اتىراۋ قالاسىنىڭ №2 پوليتسيا ءبولىمى قر قك 287-بابىنىڭ 2-بولىگى (قارۋدى, وق-دارىلەردى, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا سوتقا دەيىنگى تەرگەۋدى باستادى.