قازاقستان ەلشىسى جان عاليەۆ مونتەرو كوممۋناسىندا فرانتسيانىڭ ەڭبەك سىڭىرگەن عالىمى, قازاقستاننىڭ بايىرعى جانە ادال دوسى جاك مونەمەن كەزدەستى, دەپ جازادى Egemen.kz.
95 جاستاعى فرانتسۋز قوعام قايراتكەرى كوپ جىلدار بويى قارۋسىزدانۋ جانە يادرولىق قارۋدى تاراتپاۋ سالاسىندا بەلسەندىلىك تانىتتى. وسى تۇرعىدا ول قازاقستانعا العاش رەت 1989 جىلى ادام مەن تابيعات ءۇشىن يادرولىق سىناقتاردىڭ سالدارىن جويۋعا ارنالعان كونفەرەنتسياعا قاتىسۋ ءۇشىن ساپارمەن كەلگەن ەدى.
1997 جىلدىڭ باسىندا دوكتور مونە سەنا-ي-مارنا دەپارتامەنتىندە «فرانتسيا-قازاقستان» دوستىق قاۋىمداستىعىن قۇرىپ, فرانتسيانىڭ وسى ايماعىنىڭ تۇرعىندارىن تاۋەلسىزدىگىمىز تاڭىندا ەلىمىزبەن تانىستىردى.
ەكىجاقتى بايلانىستاردى نىعايتۋعا جانە فرانتسياداعى قازاقستان ءيميدجىن ىلگەرىلەتۋگە قوسقان ەلەۋلى ۇلەسى ءۇشىن ەلشى جاك مونەگە «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالىن تاپسىردى.
مونتەرو قالاسىنىڭ «Château des Amەndes» تاريحي عيماراتىندا ۇيىمداستىرىلعان سالتاناتقا وسى كوممۋنانىڭ مەرى, يل-دە-فرانس استانالىق ايماعىنىڭ ۆيتسە-پرەزيدەنتى دجەيمس شەرون, جاك مونەردىڭ وتباسى مەن جاقىن دوستارى قاتىستى.