حالىقارالىق پاندىك وليمپيادادا جەڭىمپاز بولعان وقۋشىلارعا 500-1500 اەك كولەمىندە اقشالاي سىياقى بەرىلەدى, دەپ حابارلايدى Egemen.kz. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جازدى.
«مەملەكەت باسشىسى قاسىم-جومارت توقاەۆ دارىندى بالالاردى قولداۋعا ەرەكشە كوڭىل بولەتىنىن اتاپ وتكىم كەلەدى. جاقىندا پرەزيدەنت حالىقارالىق پاندىك وليمپيادا جەڭىمپازدارىنا بىرجولعى اقشالاي تولەمدەردى تولەۋ نورماسىن قاراستىراتىن زاڭعا قول قويدى. التىن مەدال العان وقۋشىعا 1 500 اەك, كۇمىس مەدالعا 1 000 اەك, قولا مەدالعا 500 اەك كولەمىندە اقشالاي سىياقى بەرىلەدى», دەپ جازادى مينيستر.
ايتۋىنشا, وقۋشىلاردى جارىسقا دايىنداعان پەداگوگتەرگە دە بىرجولعى سىياقى بەرىلەدى.
سونداي-اق, حالىقارالىق وليمپيادالاردىڭ جەڭىمپازدارى مەن جۇلدەگەرلەرىنە قازاقستاندىق جوو-عا ءتۇسۋ ءۇشىن اۆتوماتتى تۇردە گرانتتار تاعايىندالاتىنىن جەتكىزگەن.
ء«بىلىم جانە عىلىم مينيسترلىگى ەلىمىزدە بالالارعا جاعداي جاساۋ جانە وليمپيادالىق قوزعالىستى دامىتۋ جۇمىستارىن جالعاستىرا بەرەدى», دەپ تۇيىندەگەن اسحات ايماعامبەتوۆ.
ايانا توعانبەك