سۋ كودەكسىنىڭ نەگىزگى نورمالارى قازاقستاننىڭ سۋ الەۋەتىن ساقتاۋ ءۇشىن سۋ رەسۋرستارىن لاستانۋدان جانە سارقىلۋدان قورعاۋدى ايقىندايدى, دەپ حابارلايدى Egemen.kz.
«جاڭا كودەكستە سۋ رەسۋرستارىن باسقارۋعا, سونداي-اق گيدروتەحنيكالىق قۇرىلىستاردى باسقارۋعا جانە ولاردىڭ قاۋىپسىزدىگىن قامتاماسىز ەتۋگە قاتىستى قۇقىقتىق قاتىناستاردى جەكە نورماتيۆتىك قۇقىقتىق اكتىگە ءبولۋ جوسپارلانۋدا», دەدى پرەمەر-مينيستر ءاليحان سمايىلوۆ.
ونىڭ ايتۋىنشا, سۋ قاۋىپسىزدىگىن قامتاماسىز ەتۋ بويىنشا ۇسىنىستار پاكەتى ازىرلەندى, وعان ترانسشەكارالىق وزەندەر بويىنشا كەلىسسوزدەر پروتسەسىندە قازاقستاننىڭ ۇستانىمىن كۇشەيتۋ, ۋاكىلەتتى ورگاننىڭ, سونداي-اق ونىڭ ۆەدومستۆولىق باعىنىستى جانە عىلىمي ۇيىمدارىنىڭ كادرلىق الەۋەتىن ارتتىرۋ ماسەلەلەرى كىردى, ولار قازىرگى ۋاقىتتا ۇكىمەت پەن پرەزيدەنت اكىمشىلىگىنىڭ قاراۋىندا.
«قازىرگى ۋاقىتتا سۋ رەسۋرستارىن باسقارۋ بويىنشا جەكە مەملەكەتتىك ورگان قۇرۋ جوسپاردا جوق», دەپ قوستى پرەمەر-مينيستر.