بۇل تۋرالى قر دەنساۋلىق ساقتاۋ ءمينيسترى اجار عينيات ايتتى, دەپ حابارلايدى Egemen.kz.
«ۆاكتسيناتسيالاۋ جانە رەۆاكتسيناتسيالاۋ — ينفەكتسيادان قورعاناتىن جالعىز جول. حالىقتى ۆاكتسيناتسيامەن بارىنشا قامتۋ ءۇشىن ءبىز ءتيىستى ءىس-شارالار قابىلدادىق. تاۋلىگىنە ورتاشا ەسەپتەگەندە 15 مىڭ ادام ەگىلۋدە», دەدى مينيستر ورتالىق كوممۋنيكاتسيالار قىزمەتىندە ءوتىپ جاتقان ءباسپاسوز ءماسليحاتىندا.
ونىڭ دەرەگىنشە, بۇگىنگى كۇنى 1-كومپونەنتپەن 9,5 ملن ادام ء(تيىستى حالىقتىڭ 83,3 پايىزى, جالپى حالىق سانىنىڭ 56 پايىزى), 2-كومپونەنتپەن 9,2 ملن ادام ء(تيىستى حالىقتىڭ 81, جالپى حالىق سانىنىڭ 54 پايىزى) ۆاكتسينالاندى.
«ال رەۆاكتسيناتسيادان ەلىمىزدە 4 ملن ادام ءوتتى», دەدى اجار عينيات.
ايانا توعانبەك