اتىراۋدا قانت تاپشى, ال الدا جاز ۋاقىتى – كوكونىس پەن جەمىستەردى كونسەرۆىلەۋ ماۋسىمى, ياعني بۇل ۇلكەن ماسەلەگە اينالۋى مۇمكىن دەپ حابارلايدى Egemen.kz «اق جايىق» سايتىنا سىلتەمە جاساپ.
«ناۋرىز-ءساۋىر ايلارىندا اتىراۋعا ازىق-ت ۇلىك كورپوراتسياسى ارقىلى ءبىزدىڭ قولداۋىمىزبەن «يدەال ماركەت» جەلىسى ارقىلى ساتىپ الىنعان ارقايسىسى 68 توننادان التى ۆاگون قانت جەتكىزىلدى», دەيدى «اتىراۋ» اكك» اق دەپارتامەنتى ديرەكتورى دميتري ديۋ.
قولداۋ كورسەتۋ كەزىندە ءبىز مۇنىڭ تۇراقتاندىرۋ قورىنىڭ ونىمدەرىنە بەكىتىلگەن باعامەن ساتىلاتىن ۇلكەن جەلى ەكەنىنە كوز جەتكىزدىك. ونىڭ 40 تونناسى «يارماركا» جەلىسىنە, 10 تونناسى «ماركوعا», 5 تونناسى قىزىلقوعا اۋدانىنا, 2 تونناسى يندەر اۋدانىنا بەرىلدى. قانتتىڭ قالعان بولىگى «يدەال ماركەت» دۇكەندەرىندە 359 تەڭگەمەن, ءبىر قولعا 3 كەلىدەن اسپايتىن شەكپەن ساتىلادى. تاپشىلىق رەسەيدىڭ ءونىم يمپورتىن شەكتەۋىنە بايلانىستى تۋىندادى. ال ساتىپ الىنعان قانت شىمكەنتتە وندىرىلگەن.
د.ديۋدىڭ ايتۋىنشا, قازىر ءۇندىستاننان قانت ساتىپ الۋ تۋرالى كەلىسسوز جۇرگىزىلۋدە, بىراق وپەراتور ءالى انىقتالماعان, قۇنى تۋرالى ايتۋ ءالى ەرتە.
ايانا توعانبەك