وقيعا 14 مامىر كۇنى ساعات 12:25 شاماسىندا بولعان, دەپ حابارلايدى Egemen.kz.
«Subaru» كولىگىنىڭ جۇرگىزۋشىسى ماسانچي كوشەسىمەن سولتۇستىك باعىتتا كەلە جاتىپ, جىبەك جولى كوشەسىنىڭ قيىلىسىندا جاياۋ جۇرگىنشىلەر وتكەلىندە 2010 جىلى تۋعان قىزدى قاعىپ كەتتى.
«وقۋشى قىز دەنە جاراقاتىمەن الماتى قالاسىنىڭ №1 قالالىق بالالار كلينيكالىق اۋرۋحاناسىنا جەتكىزىلدى. بۇل فاكتىنى المالى اۋداندىق پوليتسيا ءبولىمىنىڭ قىزمەتكەرلەرى تەكسەرىپ جاتىر», دەدى الماتى قالالىق پوليتسيا دەپارتامەنتى تەرگەۋ ءبولىمىنىڭ باستىعى ولجاس ءشارىپوۆ.