بۇگىن ماڭعىستاۋلىقتار تاڭىردەن جاڭبىر تىلەپ, تەڭىز جاعاسىندا تاساتتىق جاساۋعا جينالدى, دەپ حابارلايدى Egemen.kz وڭىرلىك كوممۋنيكاتسيالار قىزمەتىنە سىلتەمە جاساپ.
جاۋىن تىلەۋگە اقتاۋ قالاسىنداعى امفيتەاتر الاڭىنا 3 مىڭنان استام ادام جينالدى. وبلىستىق «بەكەت اتا» مەشىتىنىڭ باس يمامى ءانۋار ەلجانوۆ جينالعاندارعا جاڭبىر تىلەۋ نامازىنىڭ ءمان-ماعىناسىن ءتۇسىندىرىپ ءوتتى.
بۇعان دەيىن ءانۋار ەلجانوۆ تۇرعىنداردى ماڭعىستاۋ ءوڭىرى ءۇشىن اللادان جالبارىنىپ جاۋىن تىلەپ, پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ۇيرەتكەندەي, ارنايى دۇعا جاساۋعا شاقىرعان بولاتىن.
ەسكە سالا كەتەيىك, وتكەن جىلى ماڭعىستاۋ وبلىسىندا قۇرعاقشىلىق كۇشەيىپ, شارۋا قوجالىقتارىنا قاتتى اسەر ەتكەن بولاتىن.
قر پرەزيدەنتى قاسىم-جومارت توقاەۆ سىبايلاس جەمقورلىققا قارسى ءىس-قيمىل ماسەلەلەرى جونىندە كەڭەستە قۋاڭشىلىق كەزىندە اۋىل تۇرعىندارىنا نە قاجەت ەكەنىنە ەشكىم باس قاتىرماعانىن باسا ايتقان ەدى.