قازىرگى ۋاقىتتا ازىرلەنىپ جاتقان كونستيتۋتسيالىق زاڭدارعا ەنگىزىلگەن جاڭا وزگەرىستەر قازاقستاندىقتارعا پارلامەنت ماجىلىسىنە 29 دەپۋتات سايلاۋعا مۇمكىندىك بەرەدى. بۇل تۋرالى ادىلەت ءمينيسترى قانات مۋسين ايتتى, دەپ حابارلايدى Egemen.kz.
«پارلامەنت بولىگىندەگى رەفورمادا العا قويىلعان ءبىرىنشى جانە ەڭ باستى ماسەلە - دەپۋتاتتاردى سايلاۋ جۇيەسىنىڭ وزگەرۋى. ەگەر قازىر ءماجىلىس دەپۋتاتتارى پارتيالىق نەگىزدە سايلاناتىن بولسا, ەندى دەپۋتاتتاردىڭ 30%-ى اۋماقتان, ال 70%-ى پارتيالىق تىزىمدەر ارقىلى سايلانادى. جاڭا وزگەرىستەر قازاقستان ازاماتتارىنا ماجىلىسكە اۋماقتىق سايلاۋ وكرۋگتەرىنەن 29 دەپۋتاتتى تىكەلەي سايلاۋعا مۇمكىندىك بەرەدى», دەدى ق. مۋسين ورتالىق كوممۋنيكاتسيالار قىزمەتىندە وتكەن بريفينگ بارىسىندا.
ءمينيستردىڭ ايتۋىنشا, ءوز مىندەتتەرىن, سايلاۋ الدىنداعى ۋادەلەرىن ورىنداماعان دەپۋتات ءوزىنىڭ دەپۋتاتتىق مانداتىنان ايىرىلۋى مۇمكىن.
«وزگەرىستەر كونستيتۋتسياعا ەنگىزىلگەننەن كەيىن پارلامەنت جانە سايلاۋ تۋرالى كونستيتۋتسيالىق زاڭدارعا وزگەرىستەر ەنگىزۋ تۋرالى زاڭدار ەنگىزىلەدى. 7-ءشى شاقىرىلىم دەپۋتاتتارىنىڭ وكىلەتتىك مەرزىمى اياقتالعاننان كەيىن سايلاۋ جاڭا جۇيە بويىنشا وتكىزىلەدى», دەپ تۇيىندەدى ول.