قازاقستاندىق تورەشىلەر تاتيانا سوروكوپۋدوۆا (قاراعاندى) مەن نارگيس ماگاۋ (الماتى) 19 جاسقا دەيىنگى قىزدار اراسىندا 2022 جىلعى فۋتبولدان ەۋروپا چەمپيوناتىنىڭ ىرىكتەۋ ويىندارىندا تورەلىك ەتتى, دەپ حابارلايدى Egemen.kz ۇوك-كە سىلتەمە جاساپ.
ويىندار 6-12 ءساۋىر ارالىعىندا سولتۇستىك يرلانديادا ءوتتى.
قازاقستاندىقتار تورەلىك ەتكەن توپتا ازەربايجان, مالتا, سولتۇستىك يرلانديا جانە فارەر ارالدارى قۇرامالارى وينادى. ءبىزدىڭ تورەشىلەر توپتاعى سولتۇستىك يرلانديا — مالتا (1:1), سولتۇستىك يرلانديا — فارەرسكيە ارالدارى (5:0) جانە ازەربايجان — سولتۇستىك يرلانديا (0:1) ماتچتارىندا قىزمەت اتقاردى.تاتيانا سوروكوپۋدوۆا ەكى كەزدەسۋدە باس تورەشى بولسا, ءبىر ويىندا قوسالقى تورەشى مىندەتىن ورىندادى. نارگيس ماگاۋ ءۇش ويىندا دا باس تورەشىنىڭ كومەكشىسى بولدى.