2013 جىلعى 22 قاراشا استانا قالاسى
قازاقستان رەسپۋبليكاسى ءدىن ىستەرى اگەنتتىگىنىڭ مەملەكەتتىك قىزمەتشىلەرىنىڭ قىزمەتتىك ەتيكاسىنىڭ قاعيدالارىن بەكىتۋ تۋرالى
«قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى №1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى جارلىعىنىڭ 2-تارماعىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ءدىن ىستەرى اگەنتتىگى مەملەكەتتىك قىزمەتشىلەرىنىڭ قىزمەتتىك ەتيكاسىنىڭ قاعيدالارى بەكىتىلسىن.
2. كادرلىق قامتاماسىز ەتۋ باسقارماسى (ج.ا. نۋكۋشەۆا) قۇقىقتىق قامتاماسىز ەتۋ باسقارماسىمەن (ا.ت. جۋانىشپاەۆا) بىرگە وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءدىن ىستەرى اگەنتتىگىنىڭ جاۋاپتى حاتشىسى ت.ت. ىسمايىلوۆقا جۇكتەلسىن.
4. وسى بۇيرىق مەملەكەتتىك تىركەلگەن كۇنىنەن باستاپ ون كۇن وتكەننەن كەيىن قولدانىسقا ەنگىزىلەدى.
توراعا م.ءازىلحانوۆ.
قازاقستان رەسپۋبليكاسى ءدىن ىستەرى اگەنتتىگى توراعاسىنىڭ 2013 جىلعى 22 قاراشاداعى №43 بۇيرىعىمەن بەكىتىلگەن
قازاقستان رەسپۋبليكاسى ءدىن ىستەرى اگەنتتىگىنىڭ مەملەكەتتىك قىزمەتشىلەر قىزمەت ەتيكاسىنىڭ قاعيدالارى
1. قازاقستان رەسپۋبليكاسى ءدىن ىستەرى اگەنتتىگىنىڭ مەملەكەتتىك قىزمەتشىلەر قىزمەت ەتيكاسىنىڭ قاعيدالارى (بۇدان ءارى – قاعيدا) «مەملەكەتتىك قىزمەت تۋرالى» قازاقستان رەسپۋبليكاسىنىڭ زاڭىنا, «سىبايلاس جەمقورلىققا قارسى كۇرەس تۋرالى» قازاقستان رەسپۋبليكاسىنىڭ زاڭىنا, «قازاقستان رەسپۋبليكاسى مەملەكەتتىك قىزمەتشiلەرiنiڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ (بۇدان ءارى – ار-نامىس كودەكسى) 2 تارماعىنا سايكەس ازىرلەندى
2. قاعيدا قازاقستان رەسپۋبليكاسى ءدىن ىستەرى اگەنتتىگىنىڭ (بۇدان ءارى – اگەنتتىك) مەملەكەتتىك مىنەز-قۇلقىنىڭ نەگىزگى نورمالارىن بەلگىلەيدى.
3. اگەنتتىكتىڭ مەملەكەتتىك قىزمەتشىلەرى قىزمەتتىك مىندەتتەرىن اتقارۋ كەزىندە:
1) زاڭدىلىق قاعيداتىن, قازاقستان رەسپۋبليكاسى كونستيتۋتسياسىنىڭ, مەملەكەتتىك قىزمەت سالاسىندا زاڭدارى مەن وزگە دە نورماتيۆتىك قۇقىقتىق اكتىلەرىنىڭ تالاپتارىن باسشىلىققا الۋعا;
2) ازاماتتار, لاۋازىمدى تۇلعالار جانە ءدىني بىرلەستىكتەر وكىلدەرىنىڭ وتىنىشتەرىنە سىپايىلىق پەن ادەپتىلىك تانىتۋعا;
3) قازاقستان حالقىنىڭ ادەت-عۇرىپتارى مەن سالت-داستۇرلەرىنە توزىمدىلىك پەن قۇرمەت تانىتۋعا, مەملەكەتتىك تىلگە جانە باسقا تىلدەرگە, قازاقستان حالقىنىڭ سالت-داستۇرلەرىنە قۇرمەتپەن قاراۋعا;
4) ەلدەگى ۇلتارالىق كەلىسىمدى نىعايتۋعا ىقپال ەتۋگە, ءارتۇرلى ەتنيكالىق, الەۋمەتتىك توپتار مەن كونفەسسيالاردىڭ مادەني جانە باسقا ەرەكشەلىكتەرىن ەسكەرۋگە, ۇلتارالىق جانە كونفەسسياارالىق كەلىسىمگە ىقپال ەتۋگە;
5) جەكە جانە زاڭدى تۇلعالاردىڭ قۇقىقتارىن, بوستاندىقتارى مەن زاڭدى مۇددەلەرىن شەكتەمەۋگە, ولاردىڭ وتىنىشتەرىن قاراۋ كەزىندە تورەشىلدىك پەن سوزبۇيداعا سالۋ كورىنىستەرىنە جول بەرمەۋگە, وتىنىشتەر بويىنشا بەلگىلەنگەن مەرزىمدە قاجەتتى شارالار قولدانۋعا;
6) قاراماعىنداعى قىزمەتكەرلەردىڭ قىزمەتتىك وكىلەتتىگىنىڭ مىندەتتەرى مەن كولەمىن ناقتى انىقتاۋعا, ورىنداۋ مۇمكىن ەمەس تاپسىرمالاردى بەرمەۋگە, قاراماعىنداعى قىزمەتكەرلەردەن قىزمەتتىك مىندەتتەرىنەن تىس تاپسىرمالار ورىنداۋدى تالاپ ەتپەۋگە; باسقا ادامداردى قۇقىققا قايشى تەرىس قىلىقتار جاساۋعا ماجبۇرلەمەۋگە;
7) باعىنىستى قىزمەتكەرلەرگە قاتىستى نەگىزسىز ايىپتاۋلارعا, دورەكىلىك, ادامدىق قادىر-قاسيەتىن كەمسىتۋ, جونسىزدىك, ورىنسىز مىنەز-ق ۇلىق فاكتىلەرىنە جول بەرمەۋگە, اگەنتتىكتىڭ بەدەلى مەن ابىرويىنا نۇقسان كەلتىرەتىن جانجالدى جاعدايلاردان اۋلاق جۇرۋگە;
8) مەملەكەتتىك جانە ەڭبەك ءتارتىبىن بۇلجىتپاي ساقتاۋعا, ءوزىنىڭ قىزمەتتىك مىندەتتەرىن ادال, ءادىل جانە ساپالى اتقارۋعا; جۇمىس ۋاقىتىن ۇتىمدى پايدالانۋعا;
9) قۇپيا قىزمەتتىك اقپاراتتى جاريالاۋعا, سونىمەن قاتار ونىڭ قىزمەتتىك مىندەتتەرىمەن بايلانىسسىز اقپاراتتى بەرمەۋى نەمەسە الماستىرماۋى ءتيىس;
10) اگەنتتىكتىڭ سەنىپ تاپسىرىلعان مەملەكەتتىك مەنشىگىنە ۇقىپتى قاراۋعا, ونى ۇتىمدى جانە ءتيىمدى پايدالانۋعا;
11) ادال, ءادىل, قاراپايىم بولۋعا, جالپى قابىلدانعان مورالدىق-ەتيكالىق تالاپتاردى ساقتاۋعا, قىزمەتتىك جانە قىزمەتتەن تىس ۋاقىتتا قوعام مۇددەسىنە جات مىنەز-ق ۇلىق جاعدايلارىن بولدىرماۋعا;
12) ار-نامىس كودەكسىمەن, سىبايلاس جەمقورلىققا قارسى زاڭنامان بەلگىلەنگەن جەمقورلىققا قارسى مىنەز-ق ۇلىقتى ساقتاۋعا;
13) قىزمەتتىك ساتىلى دارەجەنى ساقتاۋعا, قىزمەتتىك, رەسمي تالاپتار شەگىنەن شىقپاۋعا, تومەنگى تۇرعان لاۋازىمدى تۇلعانىڭ جوعارى تۇرعانعا باعىنۋ قاعيداتىن قاتاڭ ساقتاۋعا, قىزمەتتىك وكىلەتتىگى شەگىندە بەرىلگەن باسشىنىڭ تاپسىرمالارىن بۇلجىتپاي ورىنداۋى ءتيىس.
4. اگەنتتىكتىڭ مەملەكەتتىك قىزمەتشىلەرى قىزمەتتىك مىندەتتەرىن اتقارۋ كەزىندە مەملەكەتتىڭ زايىرلى نەگىزىن نىعايتۋعا ىقپال ەتۋى كەرەك:
1) كوپشىلىك الدىندا سويلەۋدە, رەسمي قۇجاتتار, ساراپتامالىق قورىتىندىلار جانە باسقا قۇجاتتار دايىنداۋدا مەملەكەتتىك پرينتسيپتەردى, عىلىمي نەگىزدەلگەن دەرەكتەر مەن جالپى ادامدىق قۇندىلىقتاردى باسشىلىققا الۋى كەرەك;
2) مەملەكەتتىك قىزمەتشىلەر قىزمەتتىك جاعدايلارىن جانە ونىمەن بايلانىستى مۇمكىندىكتەردى قوعامدىق جانە ءدىني بىرلەستىكتەردىڭ, باسقا دا كوممەرتسيالىق ەمەس ۇيىمداردىڭ مۇددەلەرىنە, ونىڭ ىشىندە ءوزىنىڭ ولارعا كوزقاراسىن ناسيحاتتاۋ ءۇشىن پايدالانباۋعا;
5. اگەنتتىكتىڭ قىزمەتكەرلەرى قىزمەتتىك مىنەز-ق ۇلىقتارىندا:
1) جىنىستىق, جاستىق, ناسىلدىك, ۇلتتىق, تىلدىك, ازاماتتىق, الەۋمەتتىك, م ۇلىكتىك جانە وتباسىلىق جاعدايىنا, ساياسي جانە ءدىني ارتىقشىلىعى بويىنشا ءارتۇرلى كەمسىتۋشىلىك سيپاتتاعى سوزدەردەن جانە قىلىقتاردان تارتىنۋى;
2) سىپايىلىق, ادەپتىلىك, ءوزارا سىيلاستىق تانىتۋ, دورەكىلىكتەن, كەمسىتۋشىلىك تانىتۋدان, مەنسىنبەۋشىلىكتەن, تەرىس ەسكەرتۋلەردەن, زاڭسىز, جازىقسىز كىنا تاعۋدان تارتىنۋى;
3) قاۋىپ-قاتەرلەردەن, قورلايتىن سوزدەر مەن رەپليكالاردان, قاراما-قارسى جاقتىڭ مىنەز-ق ۇلىعىن شاعىستىراتىن جانە دۇرىس تىلدەسۋگە كەدەرگى كەلتىرەتىن ارەكەتتەردەن تارتىنۋى;
4) ۇجىمدا جاعىمدى مورالدىق-پسيحولوگيالىق جاعداي قالىپتاستىرۋعا ىقپال ەتۋى, قاستىقتى, سىبىستى, وسەكتى بولدىرماۋى, كەسۋى كەرەك.
6. اگەنتتىك قىزمەتىنىڭ ماسەلەلەرى بويىنشا كوپشىلىك الدىندا سويلەۋدى ونىڭ باسشىسى نەمەسە اگەنتتىكتىڭ بۇعان ۋاكىلەتتىك بەرىلگەن لاۋازىمدى تۇلعالارى جۇزەگە اسىرادى.
7. اگەنتتىكتىڭ مەملەكەتتىك قىزمەتشىلەرىنىڭ سىرت كەلبەتى ازاماتتاردىڭ اگەنتتىككە دەگەن سىيلاستىق قاتىناستارىن قالىپتاستىرۋعا, ىسكەرلىك, ۇستامدىلىق, ۇقىپتىلىقپەن ەرەكشەلەنەتىن جالپى قابىلدانعان ىسكەرلىك تالاپتارىنا ساي بولۋى ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 25 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9020 بولىپ ەنگىزىلدى.