2013 جىلعى 12 جەلتوقسان استانا قالاسى
قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارىن بەكىتۋ تۋرالى
قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىمەن بەكىتىلگەن قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسىنە سايكەس مەملەكەتتىك قىزمەتشىلەردىڭ جالپى جۇرت قابىلداعان ەتيكا نورمالارى مەن مەملەكەتتىك قىزمەتتىڭ ەرەكشەلىكتەرىنەن تۋىندايتىن نەگىزگى مىنەز-ق ۇلىق ەرەجەلەرىن ساقتاۋ ماقساتىندا بۇيىرامىن:
1. قوسا بەرىلىپ وتىرعان قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى بەكىتىلسىن.
2. اكىمشىلك جانە كادر جۇمىسى (ع.ت.ءابىلوۆا) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە رەسمي جاريالانۋىن قامتاماسىز ەتسىن.
3. جاۋاپتى حاتشى ق.ع. كاكەن قىزمەتكەرلەردىڭ قىزمەت ەتيكاسىن ساقتاۋ ءتارتىبىن قامتاماسىز ەتسىن.
4. وسى بۇيرىق رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
توراعا ت. ەسەنتاەۆ.
قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2013 جىلعى 12 جەلتوقسانداعى № 464 بۇيرىعىمەن بەكىتىلدى
قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى
1. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى (بۇدان ءارى – قاعيدا) قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» جارلىعىنىڭ 2-تارماعىنا, «مەملەكەتتىك قىزمەت تۋرالى, «سىبايلاس جەمقورلىققا قارسى كۇرەس تۋرالى» قازاقستان رەسپۋبليكاسىنىڭ زاڭدارىنا سايكەس ازىرلەندى.
2. قاعيدا قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى مەملەكەتتىك قىزمەتشىلەرىنىڭ ءوزىنىڭ قىزمەتتىك مىندەتتەرىن ورىنداۋ بارىسىندا, ارىپتەستەرىمەن جانە ازاماتتارمەن قارىم-قاتىناستارىنىڭ مىنەز-ق ۇلىعىنىڭ نەگىزگى نورمالارىن بەلگىلەيدى.
3. مەملەكەتتىك قىزمەتشىلەر:
1) زاڭدىلىق قاعيداتىن, قازاقستان رەسپۋبليكاسى كونستيتۋتسياسىنىڭ, زاڭدارى مەن وزگە دە نورماتيۆتىك قۇقىقتىق اكتىلەرىنىڭ تالاپتارىن باسشىلىققا الۋعا;
2) ادال, ءادىل, قاراپايىم بولۋعا, جالپى قابىلدانعان مورالدىق-ەتيكالىق نورمالاردى ساقتاۋعا, ازاماتتارمەن جانە ارىپتەستەرىمەن قارىم-قاتىناستا سىپايىلىق پەن ادەپتىلىك تانىتۋعا;
3) مەملەكەتتىك جانە ەڭبەك ءتارتىبىن بۇلجىتپاي ساقتاۋعا, بەرىلگەن وكىلەتتىكتەردى ءتيىمدى يەلەنۋگە; ءوزىنىڭ قىزمەتتىك مىندەتتەرىن ادال, تۋراشىل جانە ساپالى اتقارۋعا, جۇمىس ۋاقىتىن ۇتىمدى پايدالانۋعا;
4) قاراپايىمدىلىق تانىتۋعا, ءوزىنىڭ ءىس-ارەكەتتەرىمەن قوعام تاراپىنان نەگىزدى سىنعا سەبەپ تۋعىزباۋعا;
5) جەكە جانە زاڭدى تۇلعالاردىڭ قۇقىقتارىن, بوستاندىقتارى مەن زاڭدى مۇددەلەرىن ساقتاۋ مەن قورعاۋدى قامتاماسىز ەتۋگە, ولاردىڭ وتىنىشتەرىن قاراۋ كەزىندە تورەشىلدىك پەن سوزبۇيداعا سالۋ كورىنىستەرىنە جول بەرمەۋگە, وتىنىشتەر بويىنشا بەلگىلەنگەن مەرزىمدە قاجەتتى شارالار قولدانۋعا;
6) قاراماعىنداعى مەملەكەتتىك قىزمەتشىلەردەن ولاردىڭ قىزمەتتىك مىندەتتەرىنەن تىس تاپسىرمالار ورىنداۋدى تالاپ ەتپەۋگە; باسقا ادامداردى قۇقىققا قايشى تەرىس قىلىقتار جاساۋعا ماجبۇرلەمەۋگە;
7) باسقا مەملەكەتتىك قىزمەتشىلەر تاراپىنان قىزمەت ەتيكاسى نورمالارىن بۇزۋ فاكتىلەرىن بولدىرماۋعا جانە ولاردىڭ جولىن كەسۋگە;
8) ۇجىمدا ىسكەرلىك ءوزارا قارىم-قاتىناستى جانە سىندارلى ىنتىماقتاستىقتى ورناتۋ مەن نىعايتۋعا ىقپال جاساۋعا;
9) باسشىلاردىڭ تاپسىرمالارىن ورىنداۋ بارىسىندا تەك وبەكتيۆتى ءارى انىق مالىمەتتەر بەرۋگە;
10) ۇجىمدا ىسكەرلىك ءوزارا قارىم-قاتىناستى جانە سىندارلى ىنتىماقتاستىقتى ورناتۋ مەن نىعايتۋعا ىقپال جاساۋعا;
11) قىزمەتتىك مىندەتتەرىن ءتيىمدى اتقارۋ ءۇشىن ءوزىنىڭ كاسىبي دەڭگەيى مەن بىلىكتىلىگىن ارتتىرۋعا;
12) قىزمەتتىك مىندەتتەرىن اتقارۋ كەزەڭىندە كيىمنىڭ ىسكەرلىك قالپىن ۇستانۋعا;
13) قازاقستان رەسپۋبليكاسىنىڭ زاڭدارىندا بەلگىلەنگەن شەكتەۋلەر مەن تىيىمداردى ساقتاۋى ءتيىس.
4. مەملەكەتتىك قىزمەتشىلەر سىبايلاس جەمقورلىق كورىنىستەرىنە قارسى تۇرۋعا, سىبايلاس جەمقورلىق قۇقىق بۇزۋشىلىقتارعا نە سىبايلاس جەمقورلىقپەن جىمداسقان نەمەسە سىبايلاس جەمقورلىق ءۇشىن جاعداي تۋعىزاتىن ارەكەتتەرگە جول بەرمەۋى ءتيىس.
مەملەكەتتىك قىزمەتشىلەر باسقا مەملەكەتتىك قىزمەتشىلەر تاراپىنان بولاتىن سىبايلاس جەمقورلىق قۇقىق بۇزۋشىلىق فاكتىلەرىنىڭ جولىن كەسۋى ءتيىس.
5. مەملەكەتتىك قىزمەتشىلەر جەكە جانە زاڭدى تۇلعالاردىڭ ءوز قۇقىقتارى مەن زاڭدى مۇددەلەرىن ىسكە اسىرۋىن قيىنداتاتىن ءىس-ارەكەتتەرگە (ارەكەتسىزدىككە) جول بەرمەۋگە ءتيىس.
6. مەملەكەتتىك قىزمەتشىلەر مۇددەلەر قاقتىعىسىن بولعىزباۋ ءۇشىن شارالار قولدانۋى, مەملەكەتتىك قىزمەتتىڭ بەدەلىنە نۇقسان كەلتىرمەي, پىكىرسايىستى ادەپتى تۇردە جۇرگىزۋى ءتيىس. ءوزىنىڭ ءىس-ارەكەتتەرىمەن قوعام تاراپىنان نەگىزدى سىنعا سەبەپكەر بولماۋعا, سىناعانى ءۇشىن قۋدالاۋعا جول بەرمەۋگە, ورىندى سىندى كەمشىلىكتەردى جويۋ مەن ءوزىنىڭ قىزمەتىن جاقسارتۋ ءۇشىن پايدالانۋعا.
7. مەملەكەتتىك قىزمەتشىلەر مەملەكەتتىك ساياسات جانە قىزمەتتىك ءىسىنىڭ ماسەلەلەرى جونىندەگى ءوز پىكىرىن, ەگەر ول:
1) مەملەكەت ساياساتىنىڭ نەگىزگى باعىتتارىنا سايكەس نەمەسە;
2) جاريالاۋعا رۇقسات ەتىلمەگەن قىزمەتتىك اقپاراتتى اشاتىن بولسا;
3) مەملەكەتتىڭ لاۋازىمدى تۇلعالارىنىڭ, مەملەكەتتىك باسقارۋ ورگاندارىنىڭ, باسقا دا مەملەكەتتىك قىزمەتشىلەردىڭ اتىنا ادەپكە ساي ەمەس سوزدەر ايتۋدان تۇرسا, كوپشىلىك الدىندا بىلدىرۋىنە بولمايدى.
8. مەملەكەتتىك قىزمەتشىلەر قىزمەتتەن تىس ۋاقىتتا جالپى قابىلدانعان مورالدىق-ەتيكالىق نورمالاردى ۇستانۋعا, قوعامعا جات مىنەز-ق ۇلىق جاعدايلارىنا جول بەرمەۋگە ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 30 جەلتوقسانداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9051 بولىپ ەنگىزىلدى.