2014 جىلعى 4 ءساۋىر استانا, ۇكىمەت ءۇيى
ۋاكىلەتتى ۇيىمنان تولەنەتىن زەينەتاقى تولەمدەرىنىڭ مولشەرىن ارتتىرۋ تۋرالى
«2014 - 2016 جىلدارعا ارنالعان رەسپۋبليكالىق بيۋدجەت تۋرالى» جىلعى 3 جەلتوقسانداعى قازاقستان رەسپۋبليكاسىنىڭ زاڭى 11-1-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1.زەينەتاقى تولەمدەرىن الۋشىلارعا, ونىڭ ىشىندە اسكەري قىزمەتشىلەرگە, ارناۋلى مەملەكەتتىك جانە قۇقىق قورعاۋ ورگاندارىنىڭ ارناۋلى اتاقتار, سىنىپتىق شەندەر بەرىلگەن قىزمەتكەرلەرىنە, سونداي-اق ارناۋلى اتاقتار, سىنىپتىق شەندەر الۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان, ەڭبەك سىڭىرگەن جىلدارى ءۇشىن زەينەتاقى تولەمدەرىن الۋعا قۇقىعى بار ادامدارعا ۋاكىلەتتى ۇيىمنان تولەنەتىن 2014 جىلعى 1 ساۋىرگە دەيىن تاعايىندالعان زەينەتاقى تولەمدەرىنىڭ مولشەرىن 2014 جىلعى 1 ساۋىردەن باستاپ الاتىن زەينەتاقى تولەمدەرى مولشەرىنىڭ 4,59 پايىزىنا ارتتىرۋ جۇرگىزىلسىن.
2. وسى قاۋلى 2014 جىلعى 1 ساۋىردەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.