12 ءساۋىر – عىلىم قىزمەتكەرلەرىنىڭ كۇنى. بىراق عىلىمدى العا سۇيرەيتىن عالىمدار جۇمىسسىز رەتىندە ەڭبەك بيرجاسىندا تىركەۋدە تۇر. بۇل جايىندا «شوپان اتا» اگروقوزعالىسىنىڭ توراعاسى ايتتى, دەپ حابارلايدى Egemen.kz.
«شوپان اتا» اگروقوزعالىسىنىڭ توراعاسى الماسبەك سادىرباەۆتىڭ ايتۋىنشا, قازاق عالىمدارى جەتىمنىڭ كۇيىن كەشىپ وتىر.
- ەلىمىزدەگى اۋىل شارۋاشىلىعىنا قاتىسى بار 14 عىلىمي-زەرتتەۋ ينستيتۋتىنىڭ عالىمدارى ەڭبەك بيرجاسىندا كەزەكتە تۇر. عىلىم ماگيسترانتتارى, كانديداتتار, Phd دوكتورلارعا ەڭبەك بيرجاسىندا كوشە سىپىرۋ سياقتى قوعامدىق جۇمىستار ۇسىنىلادى. بۇل نە دەگەن ماسقارا؟ ۇيات جاعداي! وسى مەرەكەدە قازاقتىڭ اگروعالىمدارىنان كەشىرىم سۇرايمىن. بۇعان ۇكىمەتتە, پارلامەنتتە وتىرعاندار, قۇجاتتارى بويىنشا «عالىمدار» كىنالى. ەندى ەشقاشان قازاقتىڭ عالىمدارى ەڭبەك بيرجاسىندا تىركەۋدە تۇرماسىن. قازاقتىڭ اگروعالىمدارى ەڭبەك بيرجاسىندا تۇرسا, ءبىز قالاي اۋىل شارۋاشىلىعى تۋرالى اڭگىمە ايتامىز؟ – دەيدى الماسبەك سادىرباەۆ.