بەلگىلى جۋرناليست قانات قۇلشىمانوۆ قر پرەمەر-ءمينيسترىنىڭ ءباسپاسوز قىزمەتى جەتەكشىسىنىڭ مىندەتىن اتقارۋشى بولىپ تاعايىندالدى, دەپ حابارلايدى Egemen.kz ۇكىمەتتىڭ رەسمي سايتىنا سىلتەمە جاساپ.
قانات امانگەلدى ۇلى قۇلشىمانوۆ ل. گۋميلەۆ اتىنداعى ەۇۋ-دى جۋرناليستيكا ماماندىعى بويىنشا بىتىرگەن.
ول ءوزىنىڭ ەڭبەك جولىن 2007 جىلى «قازاقپارات» اقپارات اگەنتتىگىنىڭ ءتىلشىسى بولىپ باستاعان.
ءار جىلدارى اقتوبە وبلىسى اكىمىنىڭ ءباسپاسوز حاتشىسى, ەڭبەك جانە حالىقتى الەۋمەتتىك قورعاۋ مينيسترلىگىنىڭ قوعاممەن بايلانىس دەپارتامەنتىنىڭ ديرەكتورى, جامبىل وبلىسىنىڭ اكىمى اپپاراتى باسشىسىنىڭ ورىنباسارى قىزمەتتەرىن اتقارعان.
2021 جىلدىڭ ماۋسىمنان باستاپ قازىرگى ۋاقىتقا دەيىن «قازمۇنايگاز» ۇك» اق ءباسپاسوز قىزمەتىنىڭ باسشىسى بولعان.