اتىراۋ وبلىسىنداعى «اتىراۋاگروسەرۆيس» جشس ساقتاندىرۋ قورىنداعى اۋىل شارۋاشىلىعى تاۋارلارىن جوعارى باعامەن ساتقانى انىقتالدى. بۇل تۋرالى ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى حابارلادى.
وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى قىزمەتكەرلەرى وبلىستىق پروكۋراتۋرامەن بىرلەسە «اتىراۋاگروسەرۆيس» جشس-نە تەكسەرۋ جۇرگىزگەندە, ساقتاندىرۋ قورىنداعى اۋىل شارۋاشىلىعى تاۋارلارىن زاڭسىز جوعارىلاتىلعان باعامەن ساتۋ فاكتىسىن انىقتادى. وسىعان وراي «اتىراۋاگروسەرۆيس» جشس ديرەكتورىنا قىلمىستىق كودەكستىڭ 307-بابىنداعى 1-بولىمىمەن (قىزمەتتىك وكىلەتتىگىن تەرىس پايدالانۋ) قىلمىستىق ءىس قوزعالدى.
ەسە سالا كەتەيىك, «اتىراۋاگروسەرۆيس» جشس اتىراۋ وبلىسىنىڭ ساقتاندىرۋ قورىنداعى اۋىل شارۋاشىلىعى تاۋارلارىن تۇتىنۋشىلارعا تىكەلەي ۇسىناتىن بىردەن-ءبىر وپەراتور بولىپ سانالادى.
جولداسبەك شوپەعۇل.
اتىراۋ وبلىسى.
دەرەككوز: وبلىستىق دەپارتامەنت.
فوتو: www. Uvit2012.ning.com.