الماتى قالاسىنىڭ اكىمى احمەتجان ەسىموۆكە مەملەكەت پەن جەكەمەنشىك اراسىنداعى تىعىز قارىم-قاتىناسقا نەگىزدەلگەن «قاۋىپسىز اۋلا» باعدارلاماسى تانىستىرىلدى.
قالا باسشىسى اتالمىش باعدارلامانىڭ ماڭىزىن ايتا كەلىپ, وسىنداي يگى ىستەر ارقىلى كەلەشەكتە كوپتەگەن توسىن وقيعالار مەن قىلمىستاردىڭ الدىن الۋعا, قالا اۋداندارىنداعى كوپقاباتتى ءۇيلەردىڭ تازالىعى مەن جاي-كۇيىن جاقسارتۋعا ىقپال ەتەتىندىگىن جەتكىزدى.
«قالا تۇرعىندارىنىڭ قاۋىپسىزدىك شاراسىن قامتاماسىز ەتەتىن بەينە-باقىلاۋ قۇرىلعىلارى ءاربىر شاعىن اۋدان مەن جەكەلەگەن اۋلالاردا ورناتىلاتىن بولادى. بەينەكامەرالاردى ورناتۋ ءىسى اۋەلى مۋنيتسيپالدى تۇرعىن ءۇي كەشەندەرى مەن جاڭادان بوي كوتەرگەن عيماراتتار, جاڭا ۇيلەر مەن قالا اۋماعىنا قوسىلعان جاڭا قۇرىلىس نىساندارىن قامتيدى. قاۋىپسىز اۋلانى جەتىلدىرە وتىرىپ قالاداعى ءتارتىپ ماسەلەسىن نىعايتامىز» دەدى احمەتجان ەسىموۆ.
جوبانىڭ العاشقى نۇسقاسى الاتاۋ اۋدانىندا بوي كوتەرگەن «اقبۇلاق» شاعىن اۋدانىندا باستاۋ الدى. سونداي-اق, قالا باسشىسىنىڭ ايتۋىنشا, حالىق كوپ شوعىرلاناتىن جەرلەر مەن الەۋمەتتىك قىزمەت كورسەتۋ الاڭدارىنا قويىلعان بەينە-باقىلاۋ قۇرىلعىلارى ءوزىنىڭ وڭ ناتيجەسىن بەرىپ وتىر. وسى باعدارلامانىڭ العاشقى ۇسىنىلىمىنا قاتىسقان الماتى قالالىق ىشكى ىستەر باسقارماسىنىڭ باسشىسى سەرىك كۇدەباەۆ بەينەكامەرالارمەن تولىقتاي قامتىلعان كەزدە قالادا ورىن الاتىن قىلمىستىق وقيعالار رەتى 25-30 پايىزعا تومەندەيتىندىگىن جەتكىزدى.
بۇگىنگى تاڭدا قالالىق ىشكى ىستەر باسقارماسىمەن جەكە تۇرعىندار اراسىنداعى كەلىسىم ارقىلى بىرنەشە بەينە-باقىلاۋ قۇرىلعىلارى جۇمىس ىستەپ تۇر. تىركەلگەن اۋدانداردا قىلمىس پەن زاڭ بۇزۋشىلىق بىردەن كەمىگەن.
قانات ەسكەندىر,
«ەگەمەن قازاقستان».
الماتى.