پارلامەنت ءماجىلىسى ءتوراعاسىنىڭ ورىنباسارى سەرگەي دياچەنكو پورتۋگاليا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ماريو گودينو دە ماتۋشپەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
ءماجىلىستىڭ ۆيتسە-سپيكەرى ەلشىنى ەلشىلىك قىزمەتكە جاڭادان تاعايىندالۋىمەن قۇتتىقتادى. ءوز كەزەگىندە ەكى ەل اراسىنداعى ساۋدا-ەكونوميكالىق بايلانىستارعا توقتالدى. تاۋار اينالىمى, قازاقستانعا ينۆەستيتسيا سالۋ ماسەلەسى تۋرالى ايتتى. بۇگىندە ەكونوميكالىق ورلەۋدە تۇرعان ەلىمىزدىڭ ەكسپو-2017 كورمەسىن وتكىزۋگە ءازىرلەنىپ جاتقانىنان حاباردار ەتتى.
ەلشىگە قازاقستان پارلامەنتىنىڭ قۇرىلىمى جايىندا ايتىپ, ءارتۇرلى ءپىشىندى جۇمىسىمەن تانىستىردى. حالىقارالىق پارلامەنتتىك ىنتىماقتاستىق جايىندا دا ايتىپ ءوتتى.
پورتۋگاليانىڭ قازاقستانداعى ەلشىسى ءوز ەلىنىڭ پارلامەنتى جايىندا ايتىپ, ەكى ەل پارلامەنتتەرىنىڭ ىنتىماقتاستىق بايلانىستارى ارتا تۇسەتىنىنە سەنىم ءبىلدىردى. 1998 جىلى ليسسابوندا ەكسپو كورمەسى وتكەنىن جەتكىزدى.
تاراپتار ەكىجاقتى بايلانىستار ارقاسىندا پارلامەنتارالىق ىنتىماقتاستىقتىڭ دا وركەن جاياتىنىنا سەنىم ءبىلدىردى.