● بيىلعى ەپيدەميولوگيالىق كەزەڭگە, ونىڭ ىشىندە كەنەلەرگە قارسى كۇرەسكە رەسپۋبليكالىق بيۋدجەتتەن 614 ملن.تەڭگە ءبولىندى. رەسمي دەرەككە جۇگىنسەك, ەلدە Hyalomma اتتى كەنە ءتۇرى كەڭ تاراعان ەكەن. ول قاۋىپتى اۋرۋلاردى تاسۋشى بولىپ سانالادى. نەگىزىنەن بۇل كەنە جامبىل, قىزىلوردا جانە وڭتۇستىك قازاقستان وبلىسىندا كەزدەسەدى.
● ەلوردادان قاراعاندى وبلىسىنىڭ كوكپەكتى اۋىلى تۇرعىندارىنا قۇنى 10 ملن. تەڭگەدەن اساتىن گۋمانيتارلىق جۇك جونەلتىلدى. استانا قالاسى اكىمدىگىنىڭ دەرەگىنە ءجۇگىنسەك, ازىق-ت ۇلىك پەن ماتەريالدىق تاۋارلاردىڭ جالپى سالماعى 20 توننانى قۇرايدى.
● الماتى قالاسىندا قازاقستان مەن رەسەي ەلىنىڭ بىرلەسكەن «گەم» مەديتسينالىق زەرتحاناسى اشىلدى. جاڭا زەرتحانادا بيوحيميا, گورموندار, ميكروبيولوگيا, تسيتولوگيا, ونكوماركەرلەر سىندى 1000-نان اسا باعىتقا دياگنوستيكا جاساۋ قىزمەتتەرى كورسەتىلەدى. مامانداردىڭ ايتۋى بويىنشا, بۇل ورتالىق سىرقاتتىڭ الدىن الۋعا مۇمكىندىك بەرەدى.
● شىعىس قازاقستان وبلىسىندا «مەيىرىم» اتتى قايرىمدىلىق اكتسياسى نەگىزىندە اتا-انا قامقورلىعىنسىز قالعان 151 جاسوسپىرىمگە وتكەن جىلى پاتەر كىلتى تابىس ەتىلدى. ال كەلەر جىلدىڭ سوڭىنا دەيىن وسىنداي ساناتتاعى 260-تان اسا بالالاردى باسپانامەن قامتۋ جوسپارلانعان. اتالمىش قايىرىمدىلىق اكتسياسى 3 جىلدان بەرى جالعاسىن تاۋىپ كەلەدى.
● پەتروپاۆل قالاسىندا «سالاماتتى قازاقستان» تاقىرىبىندا كورمە-ءجارمەڭكە ءوتتى. وندا مۇمكىندىگى شەكتەۋلى بالالاردىڭ قولونەر تۋىندىلارى قويىلدى. كورمەگە كەلۋشىلەر بالعىنداردىڭ قولىنان شىققان دۇنيەلەردى ساتىپ الدى.
● باتىس قازاقستان وبلىسىندا 1 مامىردان باستاپ ۇلى وتان سوعىسى ارداگەرلەرى كوممۋنالدىق تولەمدەردەن بوساتىلادى. قازىرگى كەزدە جەرگىلىكتى جەردە 232 سوعىس ارداگەرى ەسەپتە تۇر. بۇل تۇستا سوعىس جىلدارىندا تۇتقىندا بولعاندار مەن قورشاۋدا قالعانداردى قوسا ەسەپتەگەندە, بارلىعى 259 ادام جوعارىدا اتالعان مۇمكىندىكتى پايدالانادى.
● اتىراۋ وبلىسىندا كەلەر جىلى قۋاتتىلىعى 2 مىڭ تونناعا جەتەتىن قۇس فابريكاسى ىسكە قوسىلادى. ال قازىرگە كەزدە جىلىوي اۋدانىندا ءبىر قۇس فابريكاسى جۇمىس ىستەپ تۇر. وسى ارقىلى جەرگىلىكتى وڭىردە تاۋىق ەتى مەن جۇمىرتقا كولەمىن ۇلعايتۋ كوزدەلىپ وتىر.
BNews.kz, Nur.kz, Egemen.kz حابارلارى بويىنشا دايىندالدى.