ادىلەت مينيسترلىگى وسى جازدان باستاپ ەلىمىزدىڭ 112 مىڭ ازاماتىنا شەتەلگە دەمالىسقا شىعۋعا تىيىم سالىناتىنىن حابارلادى.
مينيسترلىكتىڭ حابارلاۋىنشا, ەندى اليمەنت, سالىق, ايىپپۇل سەكىلدى قارىزىن وتەمەگەندەر قازاقستان اۋماعىنان شىعا المايدى. بۇل مەملەكەتكە بەرەشەك ازاماتتاردىڭ دەر كەزىندە قارىزدارىن وتەۋ ءۇشىن جاسالىپ وتىر. ەندى ۆيزانىڭ ءمورىن باستىرار كەزدە كەز كەلگەن ازامات ارنايى ەلەكتروندى بازا ارقىلى قارىزىنىڭ بار-جوعىن تەكسەرتىپ الادى. بەرەشەگى بولسا, شەتەلگە دەمالۋعا بارا المايدى.
وسىعان بايلانىستى سوت ورىنداۋشىلارى قارىزى بار ادامدارعا ءۇش اي مەرزىمدە قارىزدارىن وتەپ تاستاۋعا كەڭەس بەرەتىنىن ايتۋدا. قارىزى بار ازاماتتاردىڭ ءتىزىمى ادىلەت مينيسترلىگىنىڭ رەسمي سايتىندا جاريالانىپ وتىر.
«ەگەمەن-اقپارات».