قازاقستاننىڭ باتىسىندا گاز وڭدەۋ كەشەنىن سالۋ جوباسىن ىسكە اسىرۋ كەزەڭدەرىن تالقىلاۋ «KAZAKH INVEST» ۇك» اق-نىڭ Markmore Energy (Labuan) Limited جانە «CaspiOilGas» جشس باسشىلىعىمەن كەزدەسۋى بارىسىندا ءوتتى, دەپ حابارلايدى Egemen.kz.
«Markmore Energy (Labuan) Limited» كومپانياسىنىڭ توراعاسى جانە باس اكتسيونەرى تان سري حاليم سااد ماڭعىستاۋ وبلىسىنداعى ءىرى كەن ورىندارىنىڭ ءبىرىنىڭ اۋماعىنداعى كاسىپورىندى دامىتۋ جوسپارلارى تۋرالى ايتتى. جوباعا جالپى ينۆەستيتسيا كولەمى 485 ميلليون اقش دوللارىن قۇراسا, ونىڭ 285 ميلليونعا جۋىعى گاز وڭدەۋ زاۋىتىنىڭ قۇرىلىسىنا قاراستىرىلعان.
كەزدەسۋ بارىسىندا «KAZAKH INVEST» ۇك» اق باسقارما توراعاسىنىڭ ورىنباسارى جاندوس تەمىرعالي حالىقارالىق ارەنادا بولىپ جاتقان ۇدەرىستەردى ەسكەرە وتىرىپ, قازاقستان ينۆەستورلار ءۇشىن جوعارى تارتىمدىلىقتى ساقتاۋدى جالعاستىرىپ جاتقانىن اتاپ ءوتتى. سونىمەن قاتار, ول قازاقستانداعى باسىم باعىتتاردىڭ ءبىرى بولىپ تابىلاتىن مۇناي-حيميا سالاسىنداعى جوبالاردى جۇزەگە اسىرۋدىڭ جوعارى ماڭىزدىلىعىن اتاپ ءوتتى. Cونىمەن قاتار, جوبانى ودان ءارى جان-جاقتى قولداۋ كورسەتۋگە دايىن ەكەنىن راستادى.
مالايزيالىق ينۆەستورلاردىڭ ساپارى اياسىندا ماڭعىستاۋ وبلىسىنىڭ اكىمى ن.ا.نوعاەۆپەن, سالالىق مينيسترلىكتەردىڭ, سونداي-اق «سامۇرىق-قازىنا» ۇلتتىق ءال-اۋقات قورىنىڭ باسشىلىعىمەن بىرقاتار كەزدەسۋلەر ۇيىمداستىرىلدى.