قازاقستاننىڭ ۇندىستانداعى جانە بانگلادەش حالىق رەسپۋبليكاسىنداعى ەلشىسى قىزمەتىن قوسا اتقارۋشى نۇرلان جالعاسباەۆ بانگلادەش پرەزيدەنتى ابدۋل حاميدكە سەنىم گراموتالارىن تاپسىردى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
«بانگابحابان» پرەزيدەنتتىك سارايىندا وتكەن سۇحبات بارىسىندا ن.جالعاسباەۆ بانگلادەش باسشىسى مەن حالقىنا پرەزيدەنت قاسىم-جومارت توقاەۆتىڭ ىزگى تىلەكتەرىن جەتكىزدى.
سونىمەن قاتار ەلشى بحر پرەزيدەنتىن مەملەكەت باسشىسىنىڭ جولداۋىنىڭ نەگىزگى قاعيدالارىمەن تانىستىرىپ ءوتتى.
تاراپتار اوسشك جانە يىۇ شەڭبەرىندەگى ءوزارا ىقپالداستىقتى قوسا العاندا, ەكىجاقتى جانە كوپجاقتى فورماتتاعى ىنتىماقتاستىقتىڭ احۋالى مەن پەرسپەكتيۆالارى تۋرالى پىكىر الماستى. ا.حاميد قازاقستان سىرتقى ساياساتىنىڭ باسىمدىقتارى جانە ەلىمىزدە جۇرگىزىلىپ جاتقان ىشكى ساياسي جانە ەكونوميكالىق وزگەرىستەرمەن حاباردار بولدى.