پەتروپاۆل اۋەجايى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرىلەدى, دەپ حابارلايدى Egemen.kz.
تەندەر شارتتارىنا سايكەس سەنىمگەرلىك باسقارۋ مەرزىمى ءۇش جىلدى قۇرايدى.
ينۆەستور سەنىمگەرلىك باسقارۋ شارتى جاسالعان كۇننەن باستاپ 10 جىل بويى اۋەجاي قىزمەتىنىڭ بەيىنىن ساقتاۋى, اۋەايلاقتىڭ جارامدىلىق سەرتيفيكاتىن ساقتاۋى جانە ۇشۋ قاۋىپسىزدىگىن قامتاماسىز ەتۋ ءۇشىن سەرتيفيكاتتىق تالاپتاردى قامتاماسىز ەتۋى, ءورت قاۋىپسىزدىگى مەن قاۋىپسىزدىك تەحنيكاسىنىڭ نورمالارى مەن تالاپتارىنىڭ, كۇزەتكە قويىلاتىن تالاپتاردىڭ ساقتالۋىن قامتاماسىز ەتۋى شارت.
شارتتاردا ءاربىر كەلەسى جىلدىڭ باسىنا اۋديتورلىق ەسەپتى ۇسىنا وتىرىپ, 10 جىل ىشىندە 1,5 ملرد تەڭگە سوماسىندا ينۆەستيتسيا سالۋ كورسەتىلگەن.
اۋەجايدىڭ مۇلكى 5,6 ملرد تەڭگەگە باعالاندى. ساۋدا-ساتتىق 31 ناۋرىزدا وتەدى.