اق ءۇيدىڭ اقش پرەزيدەنتىن ساۋد ارابياسى مەن بىرىككەن اراب امىرلىكتەرىنىڭ مۇراگەر حانزادالارىمەن تەلەفون ارقىلى سويلەسۋىن ۇيىمداستىرۋ ارەكەتى ءساتسىز اياقتالدى, دەپ حابارلايدى Egemen.kz.
Wall Street Journal اق ۇيدەگى جوعارى لاۋازىمدا وتىرعان دەرەككوزگە سۇيەنە وتىرىپ, پرەزيدەنت بايدەن ساۋد ارابياسىنىڭ تاق مۇراگەرى مۇحاممەد بەن سالمان جانە ابۋ-دابي مۇحاممەد بەن زايد ءال-ناحايانمەن مۇناي نارىعىنداعى جاعدايدى جانە بەنزين باعاسى جايلى سويلەسكىسى كەلگەنىن جازدى.
اڭگىمە بارىسىندا ۋكراينانى حالىقارالىق ارەنادا قولداۋ ماسەلەسى تالقىلانۋى كەرەك ەدى.
پرەزيدەنت اكىمشىلىگى قانشا تىرىسقانىمەن تەلەفون ارقىلى سويلەسۋدى ۇيىمداستىرۋ مۇمكىن بولمادى.
Wall Street Journal ەسەبىنە سايكەس, بايدەن مەن مۇراگەر حانزادالاردىڭ قارىم-قاتىناسى جاقسى ەمەس. ساۋد ارابياسىنىڭ حانزاداسى ۆاشينگتوننىڭ يەمەندەگى سوعىسقا قاتىستى ۇستانىمىنا كوڭىلى تولمايدى. بۇل ءبىر عانا مىسال.