2022 جىلى 26 اقپان كۇنى شاڭدى داۋىلدىڭ كوتەرىلۋى جانە جولداعى كورىنۋ دەڭگەيىنىڭ ناشار بولۋىنا بايلانىستى جەتىباي-جاڭاوزەن رەسپۋبليكالىق تاس جولىنىڭ 45-شاقىرىمىندا بىرنەشە اۆتوكولىك سوقتىعىستى, دەپ حابارلايدى Egemen.kz.
«الدىن الا مالىمەتتەر بويىنشا, Toyota Matrix, Hyundai Accent, Daewoo Nexia, Audi 100, ۆاز 2110 ماركالى ءبىر باعىتتا بىرىنەن كەيىن ءبىرى كەلە جاتقان 6 اۆتوكولىك سوقتىعىسىپ قالدى. وقيعا ورنىندا قاراقيا اۋدانى پوليتسيا ءبولىمىنىڭ انىقتاۋشىلارى جۇمىس ىستەۋدە. اسا اۋىر زارداپ شەككەندەر جوق. قازىر زارداپ شەككەندەردىڭ جالپى سانى مەن ولاردىڭ جاعدايى انىقتالۋدا» دەپ جازىلعان حابارلامادا. تەرگەۋ امالدارى جۇرگىزىلۋدە.