Nur Otan پارتياسىنىڭ اتقارۋشى حاتشىسى اسحات ورالوۆتىڭ بۇيرىعىمەن Nur Media حولدينگىنىڭ باس ديرەكتورى قىزمەتىنە رۋسلان الىشەۆ تاعايىندالدى, دەپ حابارلايدى Egemen.kz.
رۋسلان الىشەۆ م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ جانە ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ تۇلەگى.
ول سولتۇستىك قازاقستان وبلىسىنداعى جەرگىلىكتى اتقارۋشى ورگانداردا, پەتروپاۆل قالاسى ىشكى ساياسات ءبولىمىنىڭ مامانى قىزمەتىنەن باستاپ, باسقارما باسشىسى, وبلىس اكىمىنىڭ ورىنباسارىنا دەيىنگى ءتۇرلى لاۋازىمداردى اتقاردى.
قر اقپارات جانە كوممۋنيكاتسيالار مينيسترلىگىنىڭ اقپارات كوميتەتى توراعاسىنىڭ ورىنباسارى بولىپ ىستەدى.
ەكى جىلدان استام Nur Otan پارتياسى ورتالىق اپپاراتىنىڭ ساياسي جۇمىس دەپارتامەنتىن باسقاردى.
2020 جىلدىڭ مامىر ايىنان باستاپ قازاقستان رەسپۋبليكاسى پرەزيدەنتى جانىنداعى «ورتالىق كوممۋنيكاتسيالار قىزمەتى» رەسپۋبليكالىق مەملەكەتتىك مەكەمەسىنىڭ ديرەكتورى قىزمەتىن اتقاردى.