بۇل تۋرالى قالا اكىمدىگىنىڭ ءباسپاسوز قىزمەتى مالىمدەدى. TAV Airports Holding پرەزيدەنتى جانە باس ديرەكتورى مۇستافا ساني شەنەرمەن كەزدەسۋدە جاڭا جولاۋشىلار تەرمينالىن مودەرنيزاتسيالاۋ جانە سالۋ جونىندەگى توپتىڭ ينۆەستيتسيالىق جوسپارلارى تالقىلاندى, دەپ جازادى Egemen.kz.
الماتى اكىمى حالىقارالىق اۋەجايدى مەگاپوليستىڭ ۆيزيت كارتوچكاسى دەپ باعالادى. ول سونداي-اق, اۋەجايدى حالىقارالىق ستاندارتتارعا سايكەستەندىرۋ مەگاپوليس ەكونوميكاسىنا مۋلتيپليكاتيۆتى اسەر بەرەتىنىن اتاپ ءوتتى.
بۇدان باسقا, اۋەجايدى جاڭعىرتۋ وڭتۇستىك استانانىڭ تۋريستىك الەۋەتىن دامىتادى. ونىڭ ينۆەستيتسيالىق تارتىمدىلىعىن جانە الماتى تۇرعىندارى مەن قوناقتارى ءۇشىن ىڭعايلىلىق دەڭگەيىن ارتتىرادى.
ەربولات دوساەۆ قالا بيلىگىنىڭ جوبانى قولداۋعا جانە نىساندى بەلگىلەنگەن مەرزىمدە تاپسىرۋ ءۇشىن ماسەلەلەردى شەشۋگە ىقپال ەتۋگە دايىن ەكەنىن ايتتى.