ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى, مەكسيكالىق ساۋل «كانەلو» الۆارەستىڭ باپكەرى بوكسشىنىڭ 2022 جىلعا ارنالعان جوسپارى تۋرالى ويىمەن ءبولىستى, دەپ حابارلايدى Egemen.kz Fightnews.info.-عا سىلتەمە جاساپ.
ء«بىز وسى جىلى ەكى مارتە شارشى الاڭعا كوتەرىلۋدى جوسپارلاپ وتىرمىز. مامىر جانە قىركۇيەك ايلارىندا «كانەلو» بوكس جانكۇيەرلەرىنە تاماشا شوۋ ۇسىنادى. ساۋل العاشقى شايقاسىن اقش تورىندە وتكىزەدى. ەكىنشى جەكپە-جەكتە مەكسيكاداعى «Azteca» ستاديونىندا رينگكە شىقسا دەگەن نيەتىمىز بار. ارينە, مەحيكودا مۇنداي بوكس كەشىن ۇيىمداستىرۋ مۇمكىن بە دەگەن ساۋال تۋىندايدى. ونى ەندى ۋاقىت كورسەتە جاتار», دەيدى باپكەر ءوز ويىن تۇيىندەپ.