«قاراباح» (ازەربايجان رەسپۋبليكاسى) پارومىنىڭ 40 جاستاعى بورتمەحانيگى قاراقيان اۋدانىنداعى جىلاندى تاۋ ايماعىندا جاعالاۋدان بەس شاقىرىم جەردە بەلگىسىز جاعدايدا تەڭىزگە سەكىرىپ كەتتى. بۇل تۋرالى ماڭعىستاۋ وبلىسى توتەنشە جاعدايلار دەپارتامەنتى ءمالىم ەتتى, دەپ حابارلايدى Egemen.kz.
ازەربايجان باق وكىلدەرى وقيعانىڭ وزىنە قول جۇمساۋ نۇسقاسىن جاريالادى.
ازەربايجاننىڭ Haqqin.az اقپارات اگەنتتىگى مالىمەتىنشە, ەكيپاج مۇشەلەرى بورتمەحانيك زاحير ماستيەۆ ساپار كەزىندە وتباسىلىق جاعدايىنا شاعىمدانىپ, ونى شەشۋ ءۇشىن ۋاقىتشا اۋىستىرۋدى سۇراعانىن ايتقان. وعان پورتقا ورالعاننان كەيىن كەمەدەن كەتۋگە رۇقسات بەرىلگەن.
«ازەربايجان كاسپي تەڭىز كەمە شارۋاشىلىعى» (Azerbaijan Caspian Shipping Closed Joint-Stock Company) ءباسپاسوز قىزمەتىنىڭ باسشىسى مەحمان مەحتيەۆتىڭ ايتۋىنشا, پاروم 28 جەلتوقساندا اليات پورتىنان شىعىپ, 29 جەلتوقساندا قولايسىز اۋا رايى جاعدايىنا بايلانىستى قۇرىق ماڭىنداعى رەيدتە ايالداعان.
«30 جەلتوقساندا ساعات 8.45 شاماسىندا 1981 جىلى تۋعان ءۇشىنشى مەحانيك زاحير اسكەرالي وگلى ماستيەۆ كەمەدەن تەڭىزگە سەكىرىپ كەتتى. كەمە ەكيپاجى دەرەۋ قۇتقارۋ شەڭبەرلەرىن سۋعا لاقتىرىپ, قايىقتى سۋعا ءتۇسىردى. الايدا, ول كومەكتەن باس تارتقان», دەپ جازادى باسىلىم.
وقيعاعا بايلانىستى قازاقستان مەن ازەربايجان قۇرىلىمدارى حاباردار ەتىلگەن. زاحير ماستيەۆتى ىزدەۋ جۇمىستارى جۇرگىزىلىپ جاتىر.
ايتا كەتەيىك, بۇعان دەيىن ماڭعىستاۋ وبلىسىنىڭ توتەنشە جاعدايلار دەپارتامەنتى قۇتقارۋشىلار بورتمەحانيكتى ىزدەستىرىپ جاتقانى حابارلانعان بولاتىن.