دۇنيەجۇزىلىك دەنساۋلىق ساقتاۋ ۇيىمى بالالار مەن جاسوسپىرىمدەردى كوروناۆيرۋستان امبەباپ ۆاكتسيناتسيالاۋدى قۇپتامايدى. بۇل تۋرالى سارسەنبى كۇنى جەنەۆادا ددۇ-نىڭ يممۋنداۋ جونىندەگى ساراپشىلارىنىڭ ستراتەگيالىق كونسۋلتاتيۆتىك توبىنىڭ مالىمدەمەسىندە ايتىلعان, دەپ حابارلايدى Egemen.kz تاسس-قا سىلتەمە جاساپ.
«قازىرگى ۋاقىتتا ددۇ بالالار مەن جاسوسپىرىمدەردى جالپىعا بىردەي ۆاكتسيناتسيالاۋدى ۇسىنبايدى, ويتكەنى وسى جاس توبىنداعى اۋىر اۋرۋلاردىڭ اۋىرتپالىعى تومەن جانە بارلىق ەلدەردە اۋىر اۋرۋ قاۋپى جوعارى توپتار اراسىندا ۆاكتسيناتسيا جۇرگىزۋ قولجەتىمدى ەمەس», دەلىنگەن حابارلامادا.
ددۇ باس ديرەكتورى تەدروس ادان گەبرەيۋس سارسەنبىدە جەنەۆادا وتكەن بريفينگتە الەمدە ۆاكتسينالاردى تاراتۋدا تەڭدىكتىڭ جوقتىعىنا نازار اۋداردى.
«قازىر كەيبىر ەلدەر جالپى كۇشەيتۋ باعدارلامالارىن جۇزەگە اسىرىپ جاتقان كەزدە, ددۇ-عا مۇشە مەملەكەتتەردىڭ جارتىسى عانا جىل سوڭىنا دەيىن ءوز حالقىنىڭ 40%-ىن ۆاكتسيناتسيالاۋعا قول جەتكىزدى», دەدى ول وسى ماقساتقا جەتۋ جولىنداعى قيىندىقتاردىڭ باستى سەبەبى رەتىندە ۆاكتسينانى «جاھاندىق جەتكىزىلىمدەگى بۇرمالانۋلار» دەپ اتادى.
ددۇ باسشىسى قازىر الەمدە «ۆاكتسينانىڭ بارلىق دوزالارىنىڭ شامامەن 20%-ى كۇن سايىن ۇدەتكىش جانە قوسىمشا ەكپەلەردە قولدانىلادى» دەگەن مالىمەتتەردى كەلتىردى. گەبرەيۋس اتاپ وتكەندەي, الەمدەگى ۆاكتسينالارعا قولجەتىمدىلىكتىڭ بولماۋى كوپتەگەن ادامداردىڭ ءومىرىن قيدى. گەبرەيۋس ۆاكتسينالارعا تەڭ قول جەتىمدىلىكتى قامتاماسىز ەتۋ ءۇشىن قوسىمشا شارالار قاجەت دەپ سانايدى. وميكرون شتامىنىڭ پايدا بولۋى, ونىڭ ايتۋىنشا, بۇل ماسەلەنى تەز ارادا شەشۋ قاجەتتىلىگىن كورسەتەدى. ءبىرىنشى كەزەكتە مەديتسينا قىزمەتكەرلەرىنە, قارتتارعا جانە ءبىرىنشى نەمەسە ەكىنشى ۆاكتسيناتسيانى ءالى جاساماعان جوعارى قاۋىپتى ادامدارعا ۆاكتسيناتسيا جاساۋ مۇمكىندىگى بەرىلۋى كەرەك. ول افريكادا ءاربىر ءتورت مەديتسينا قىزمەتكەرىنىڭ ۇشەۋى ۆاكتسيناتسيالانباعانىن ەسكە سالدى.